„მინდა გითხრათ, რომ შოთაძის პროკურორის პოზიციაზე საქმიანობის დროს, არა ერთი მნიშვნელოვანი საქმე იყო გამოძიებული ეფექტურად“, - ამის შესახებ პარლამენტის თავმჯდომარემ, არჩილ თალაკვაძემ ჟურნალისტებს განუცხადა.

როგორც პარლამენტის თავმჯდომარემ აღნიშნა, თავის დროზე შოთაძემ მიიღო ღირსეული გადაწყვეტილება და გადადგა, რითაც აჩვენა, რომ „ქართული ოცნების“ ხელისუფლების პირობებში არ არის მთავარი სტატუსი და თანამდებობა.

აქვე, თალაკვაძემ დასძინა, რომ უმრავლესობის მხრიდან შოთაძის კანდიდატურას ნამდვილად ექნება მხარდაჭერა.

 „რაც შეეხება ბატონ შოთაძეს, მე მინდა გითხრათ, რომ მთავარი პროკურორის პოზიციაზე მისი საქმიანობის დროს არა ერთი მნიშვნელოვანი საქმე გვახსოვს, რომელიც იყო გამოძიებული ეფექტურად, დროულად, ეს არის კონკრეტული საქმეები, სადაც მძიმე დანაშაულებთან გვქონდა საქმე, იყო განსაკუთრებით მძიმე დანაშაულები, მკვლელობის შემთხვევები და ის საქმეებიც, სადაც საზოგადოების ინტერესი იყო მაღალი.

რაც შეეხება მის გადაწყვეტილებას გადადგომასთან დაკავშირებით, მაშინაც, როდესაც საზოგადოებას ჰქონდა კითხვები და როდესაც დაზარალებულმა გამოთქვა კითხვები მის მიმართ, მან ასევე მიიღო ღირსეული გადაწყვეტილება და დატოვა თანამდებობა ნიშნად იმისა, რომ თანამდებობა არ არის ყველაზე მთავარი და სტატუსი არ არის ყველაზე მთავარი ჩვენი ხელისუფლების პირობებში.

მე არ გამოვრიცხავ, რომ სწორედ მისი კანდიდატურა შესაძლო იყოს ერთ-ერთი, ვინც წარმოდგენილი იქნება პარლამენტში განსახილველად დ ვფიქრობ, რომ უმრავლესობის მხრიდან მის კანდიდატურას ნამდვილად ექნება მხარდაჭერა“, - განაცხადა არჩილ თალაკვაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს