„2019 წელს შეცდომებიც იყო. მაგალითად, გავრილოვის პარლამენტში შეყვანა და სპიკერის სავარძელში დაჯდომა“, - ამის შესახებ დედაქალაქის მერმა, კახა კალაძემ ჟურნალისტებთან საუბრისას განაცხადა. მერმა 2019 წელი პოლიტიკურად შეაჯამა.

კახა კალაძის თქმით, 2019 იყო პოლიტიკურად რთული, თუმცა მთლიანობაში დატვირთული, საინტერესო და წარმატებული წელი.

„იყო რთული წელი, იყო დატვირთული, საინტერესო და წარმატებულიც შეიძლება ითქვას. ბევრი საინტერესო პროექტი განხორციელდა. რაც მოსახლეობას დავპირდით პროექტების სახით, დიდი ნაწილი დამთავრებულია, ნაწილი განხორციელების პროცესშია და დამთავრდება მომდევნო წლის გაზაფხულ-ზაფხულში. რაც შეეხება პოლიტიკურს, რთული წელი იყო, იყო გამოწვევები, თუმცა იყო გარკვეული არეულობის მცდელობები, დაპირისპირების, კანონს გადაცდომების, მაგრამ არავის უნდა მივცეთ ამის შესაძლებლობა. 2020 წელი იქნება საკმაოდ საინტერესო. არის გამოწვევები და ყველაზე დიდი გამოწვევა არის ჩვენი ქვეყნის ტერიტორიული მთლიანობა და ასევე არსებული სოციალურ-ეკონომიკური მდგომარეობა. მიუხედავად იმისა, რომ ყოველწლიურად იზრდება ჩვენი ეკონომიკა, ყველაფერი უნდა გავაკეთოთ ყველამ, ჩვენი ჩართულობით და ყოველდღიური მუშაობით იმისთვის, რომ რაც შეიძლება მეტად გავზარდოთ ეკონომიკური ზრდა.

შეცდომებიც იყო. უცებ რაც მახსენდება, მაგალითად, გავრილოვის პარლამენტში შეყვანა და სპიკერის სავარჯელში დაჯდომა, რამაც გამოიწვია ახალგაზრდების გულისწყრომა, თუმცა, შემდგომ განვითარებული მოვლენები ეს ამასთან კავშირში არ არის და არის უპასუხისმგებლო, კონკრეტული ოპოზიციის ლიდერების მხრიდან გაკეთებული განცხადებები პარლამენტში შევარდნასთან დაკავშირებით. რაღაც შეცდომები იყო, შეცდომები ყოველთვის არის“, - განაცხადა კალაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს