„არის შეთანხმება, რომ სხვადასხვა საარჩევნო სისტემებთან დაკავშირებით, იქნება განგრძობადი გააზრება და განხილვა ამ დიალოგის ფორმატში“, - ამის შესახებ საქართველოში ევროკავშირის ელჩმა, არლ ჰარცელმა განაცხადა.

მისი თქმით, დასრულდა ხელისუფლებასა და ოპოზიციას შორის დიალოგის მეოთხე რაუნდი და ყველა თანხმდება, რომ პროცესი გაგრძელდება.

„დავასრულეთ დიალოგის მეოთხე რაუნდი. ამ შეხვედრიდან გამოსულები, ყველა ვთანმდებით, რომ პროცესი გაგრძელდება. ეს მნიშვნელოვანია. ჩვენ დიალოგის წინა რაუნდების დროს, განსხვავებული შეთავაზებები მოვისმინეთ, გვქონდა სასარგებლო დისკუსია. მივესალმები, რომ დღეს გვქონდა შეთავაზება მმართველი პარტიისგან, აზრთა გაცვლა მოხდა ამის საფუძველზე. შეთანხმება არის, რომ სხვადასხვა საარჩევნო სისტემებთან დაკავშირებით, იქნება განგრძობადი გააზრება და განხილვა ამ დიალოგის ფორმატში“, - განაცხადა კარლ ჰარცელმა.

კარლ ჰარცელი მიიჩნევს, რომ საუკეთესო შედეგი მიღწეული იქნება იმ შემთხვევაში, თუ გაგრძელდება შეთანხმება დიალოგის ფორმატში.

„ჩვენ ვუახლოვდებით წლის ბოლოს და მინდა, ვთქვა, რომ დიალოგი დაიწყო და ეს არის პლატფორმა შესაძლებლობებისთვის, ეს არ არის ერთადერთი გზა წინსვლისთვის, მაგრამ ჩემი აზრით, წინსვლისთვის  საუკეთესო საშუალებად რჩება, თუ იქნება შეთანხმება დიალოგის ფორმატში. ეს იქნება საუკეთესო შედეგი, რათა საქართველო სწორ ტრაექტორიაზე დადგეს მომდევნო წელს დაგეგმილი არჩევნებისთვის მოსამზადებლად.  ჩვენი მტკიცე პოზიციაა, რომ ამ ეტაპზე წინსვლის საუკეთესო გზა არის კომპრომისის ძებნა და ამისთვის უნდა იყოს გამოყენებული დიალოგი. მე ამას ვიმედოვნებ“, – აღნიშნა ევროკავშირის ელჩმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს