„ქართული ოცნების“ ყოფილი წევრი, საკრებულოს დეპუტატი ერეკლე კუხიანიძე ე.წ. საზღვრისპირა სოფელში, საკორინთლოში ჩავიდა.

მან ადგილიდან „სამხრეთ ოსეთის“ ე.წ. პრეზიდენტს, ანატოლი ბიბილოვს რუსულ ენაზე მიმართა და ექიმ ვაჟა გაფრინდაშვილის გათავისუფლება სთხოვა.

„მინდა მივმართო პრეზიდენტს ამ რესპუბლიკის, ბატონ ბიბილოვს. მე მინდა გთხოვოთ, დავიწყოთ ახალი ურთიერთობის ჩამოყალიბება. ამისთვის, პირველ რიგში ვფიქრობ, რომ აუცილებელია გათავისფულდეს ექიმი ვაჟა გაფრინდაშვილი, რომელიც ამ დროისთვის თქვენთან, ციხეში იმყოფება და რომელმაც თქვენი კანონი დაარღვია“, - მიმართა ერეკლე კუხიანიძემ ბიბილოვს.

რაც შეეხება კითხვას, სცემს თუ არა პატივს საოკუპაციო რეჟიმის კანონებს, კუხიანიძემ ასე უპასუხა: „ჩვენთვის ეს არის ჩვენი ტერიტორია, მათთვის არის სხვა ტერიტორია. ვლაპარაკობ მათ კანონებზე. მე მტერსაც კი პატივს ვცემ“.

შეგახსენებთ, თბილისის საკრებულოს წევრს „ქართული ოცნებიდან“, ერეკლე კუხიანიძეს დღეს უმრავლესობა დაატოვებინეს. მიზეზი მის მიერ რამდენიმე დღის წინ გაკეთებული განცხადება გახდა, რომლითაც მან ექიმ ვაჟა გაფრინდაშვილს და მის ოჯახს შეურაცხყოფა მიაყენა.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს