„ჩვენ უნდა დავიწყოთ მუშაობა, რომ პოლიტიკურ დევნაში მონაწილე მოსამართლეებს და პროკურორებს შეეზღუდოთ თავისუფალ ქვეყნებში შესვლა“, - ამის შესახებ „ევროპული საქართველოს“ ერთ-ერთმა ლიდერმა გიგი უგულავამ ჟურნალისტებს ოპოზიციასა და დიპლომატიურ კორპუსს შორის შეხვედრის დასრულების შემდეგ განუცხადა.

მისი თქმით, ოპოზიცია საელჩოებს იმ მოსამართლეების, პროკურორების და გამომძიებლების შესახებ მიაწვდის ინფორმაციას, რომლებიც პოლიტიკურ „გაპრავებაში“ ბიძინა ივანისვილის დავალებით არიან ჩართულნი.

„ჩვენი დღევანდელი დღის მთავარი თემა ელჩებთან შეხვედრისას ეხებოდა პოლიტპატიმრებს და იმ პოლიტიკურ პროცესებს, რომელიც მიმდინარეობს ქვეყანაში. ხუმრობით შეგვიძლია ვთქვათ, რომ თბილისის საქალაქო სასამართლო ოპოზიციის შტაბ-ბინად გადაიქცა იმიტომ, რომ ყველა დარბაზში რაღაც პოლიტიკური პროცესი მიმდინარეობს. ბუნებრივია, ეს არანორმალურ სიტუაციას ქმნის. ამასთან ერთად, სულ უფრო მოხშირდა დაუსჯელი თავდასხმები და პირიქით, აქეთ გვადანაშაულებენ ხოლმე. ამიტომ ჩვენ შევთანხმდით, რომ ყველა იმ მოსამართლის, პროკურორის და გამომძიებლის პროფილს გავაკეთებთ და საელჩოებს მივაწვდით, ვინც ამ პოლიტიკურ „გაპრავებაშია“ ჩართული. ყველას კარგად გვესმის, რომ ამის დავალებას ივანიშვილი იძლევა.

ჩვენ ვხედავთ სასამართლოს, რომელიც პირდაპირ ძალადობის ინსტრუმენტია და ნოტანიუსივიტ აფორმებს ყველა იმ ტყუილს, რომელსაც პროკურატურა მიაწვდის. აქედან გამომდინარე, ძალიან მნიშვნელოვანია საერთაშორისო პარტნიორების ჩართულობა. ჩვენ უნდა დავიწყოთ მუშაობა იმაზე, რომ ყოველი მოსამართლე, ყოველი პროკურორი, რომელიც მონაწილეობს და ასევე გამოძიება, რომელიც მონაწილეობს პოლიტიკურ დევნაში, პოლიტიკური ოპონენტების თავდასხმაში და მერე ამ ყველაფრის „გაპრავებაში“, სულ მცირე, თავისუფალ ქვეყნებში ევროკავშირი იქნება ეს თუ ამერიკა შეეზღუდოთ შესვლა“, -  განაცხადა გიგი უგულავამ.  

ავტორი: ექსპრესნიუსი,

სოციალური ქსელები

ბათუმში ამზადებდნენ ცნობილი ბრენდების ფალსიფიცირებულ ვისკისა და სხვა ალკოჰოლურ სასმელებს

პოლიციამ კომპიუტერული მონაცემების ხელყოფის ბრალდებით ერთი პირი დააკავა, მეორის მიმართ კი დევნა დაიწყო

მიხეილ სააკაშვილი – არ მივატოვე ხალხი განსაცდელში, ფეხზე დავაყენე საქართველო, მთელი დემოკრატიული სამყარო და ქვეყანა გადავარჩინეთ

აშშ-ის საელჩო - აშშ კვლავაც ღრმად შეშფოთებულია რუსეთის მიერ საქართველოს ტერიტორიის განგრძობადი ოკუპაციით