„მე შემიძლია, ზურაბიშვილს ვურჩიო, უსმინოს რუს ექსპერტებს 2008 წლის ომთან დაკავშირებით, როგორ აფასებენ საქართველოს შეიარაღებულ ძალებს“,- ასე ეხმაურება "ევროპელი დემოკრატების" ლიდერი, პაატა დავითაია ქართულ ჯართან დაკავშირებით სალომე ზურაბიშვილის მიერ გაკეთებულ განცხადებას.

მისი შეფასებით, მხედართმთავრის მიერ გაკეთებული განცხადება, რომ ჯარი არ გვყავს და არც გვეყოლება აბსოლუტური კატასტროფაა.

"მე შემიძლია, ქალბატონ ზურაბიშვილს ვურჩიო, უსმინოს რუს ექსპერტებს 2008 წლის ომთან დაკავშირებით, როგორი წინააღმდეგობა გაუწია საქართველოს შეიარაღებულმა ძალებმა და თუ როგორი ძლიერი შეიარაღებული ძალები გვყავს, რომელსაც აფასებენ რუსი ექსპერტები. მხედართმთავრისგან განცხადების გაკეთება, რომ ჯარი არ გვყავს და არ გვეყოლება, აბსოლუტური კატასტროფაა," - განაცხადა პაატა დავითაიამ.

შეგახსენებთ, რომ  საქართველოს და კავკასიის შემსწავლელი მეცნიერებების საკოორდინაციო ცენტრის შექმნასთან დაკავშირებული ღონისძიების გახსნაზე სალომე ზურაბიშვილმა  თქვა: "არც ჯარი გვაქვს, არც იარაღი და არც გვექნება. არც ის ეკონომიკური ძალიან დიდი პოტენციალი, რომ უცებ დავიპყროთ თუნდაც რეგიონი".

ავტორი: ექსპრესნიუსი,

სოციალური ქსელები

მარგუს ცაჰკნა - ესტონეთი ქართველი ხალხის გვერდით დგას

გახარია საქართველოსთვის - ცინიკურია, რომ ოცნება ოკუპაციასა და ოკუპაციის მსხვერპლ მოქალაქეებზე მეტად ე.წ. რუსოფობიის გამო სწუხან

ნორვეგიის საგარეო უწყება - საქართველოში, 18 წლის შემდეგაც კი, ოკუპაცია გრძელდება

ბაიბა ბრაჟე – ლატვია ურყევად უჭერს მხარს საქართველოს სუვერენიტეტს, ტერიტორიულ მთლიანობასა და საერთაშორისოდ აღიარებულ საზღვრებს