2019-07-30 18:19:12, 1747 ნახვა
კომენტარი
ჯარჯი აქიმიძე ხალვაშის შეთავაზებაზე: 40%-ზე თანახმა არ ვართ
"რუსთავი 2"-ის დამფუძნებლები დავით დვალი და ჯარჯი აქიმიძე, ტელეკომპანიის მფლობელის ქიბარ ხალვაშის შეთავაზებას არ იღებენ.
როგორც აქიმიძებ ჟურნალისტებს განუცხადა, მათთვის შეთავაზებული 40% მისაღები არ არის.
"ჩვენ 40-ზე არ ვართ თანახმა და არგუმენტირებულად ჩამოვაყალიბებთ, რატომ არ ვართ თანახმა, შესაძლოა, ვთქვათ რა არის ჩვენთვის მეტნაკლებად მისაღები და რაზე ვფიქრობთ ჩვენ. რა შემოთავაზება იქნება შემდეგ უკვე ქიბარისგან, ეს ყველაფერი გამოჩნდება. ერთადერთი იმის თქმა შემიძლია, რომ 6-%-ზე მეტს ვერ მოვითხოვთ, რადგან ჩვენ 60%-ის მფლობელები ვიყავით", - განაცხადა აქიმიძემ და დასძინა, რომ დიალოგი შესაძლოა მომავალშიც შედგეს.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
