2021-03-10 11:54:15, 701 ნახვა
სამართალი
თელავში მშობლების და ბებიის მკვლელობაში ბრალდებულს პატიმრობა შეეფარდა
თელავის რაიონულმა სასამართლომ მშობლების და ბებიის მკვლელობაში ბრალდებულს აღკვეთის ღონისძიების სახით პატიმრობა მიუსაჯა.
შესაბამისი გადაწყვეტილება სასამართლოში ცოტა ხნის წინ მიიღეს.
დღევანდელ სხდომაზე ბრალდებულის უფლებადამცველმა სასამართლოს აღკვეთის გარეშე დატოვების შუამდგომლობით მიმართა, თუმცა მოსამართლემ აღნიშნული შუამდგომლობა არ დააკმაყოფილა.
სასამართლოს სხდომას თავად ბრალდებულიც ესწრებოდა.
შეგახსენებთ, რომ შემთხვევა თელავში 7 მარტს მოხდა. 28 წლის მამაკაცმა ცეცხლსასროლი იარაღით მშობლები და ბებია მოკლა, ხოლო შემდეგ დანაშაულის შესახებ პოლიციას აცნობა.
ავტორი: ექსპრესნიუსი,
epn.ge (@expressnews.ge)
