სანიკიძე: ვითარების დეესკალაციას ხელი უნდა შეუწყოს რექტორმაც, საბჭოებმაც, სტუდენტებმაც, დანარჩენს უფროსები მივხედავთ

2016-03-15 23:50:08, 768 ნახვა

სამართალი

განათლების სამინისტროში თბილისის სახელმწიფო უნივერსიტეტის საკითზე შეხვედრის დასრულების შემდეგ განათლების მინისტრმა თამარ სანიკიძემ განცხადება გააკეთა და ყველა მხარეს საკუთარი წილი პასუხისმგებლობა შეახსენა.

"ვერავინ გაექცევა თავის წილ პასუხისმგებლობას. ვითარების დეესკალაციას ხელი უნდა შეუწყოს უნივერსიტეტის რექტორმაც, საბჭოებმაც, სტუდენტებმაც, დანარჩენს კი უფროსები მივხედავთ," - განაცხადა განათლების მინისტრმა.

თსუ-ს საკითხზე შეხვედრა უშედეგოდ დასრულდა. რექტორი ლადო პაპავა თანამდებობაზე რჩება. ამის შესახებ მან განცხადება შეხვედრიდან გამოსვლის შემდეგ გააკეთა.

ასევე პოზიციებს არ თმობენ თვითმართველობის წარმომადგენლები და რექტორის გადადგომის მოთხოვნას ძალაში ტოვებენ.

შეხვედრის შემდეგ გახდა ცნობილი, რომ აქციას თვითმართველობის წარმომადგენლები წყვეტენ. შიმშილობას ლადო პაპავას გადადგომის მოთხოვნით მხოლოდ თვითმართველობის პრეზიდენტი, შალვა საბაური, გააგრძელებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან