2021-04-07 00:25:56, 514 ნახვა

---

ბექა ძამაშვილი - საქართველოს მთავრობამ წარადგინა მყარი მტკიცებულებები, რომლითაც ეს ეჭვები სრულად გაქარწყლდა

„საქართველოს მთავრობამ წარადგინა მყარი მტკიცებულებები, რომლითაც ეს ეჭვები სრულად გაქარწყლდა და ევროპულმა სასამართლომ მართლაც რომ ისტორიული გადაწყვეტილება მიიღო“, - ამის შესახებ იუსტიციის მინისტრის მოადგილემ ბექა ძამაშვილმა განაცხადა.

„სტრასბურგის სასამართლოს წინაშე რუსეთი ცდილობდა ემტკიცებინა, თითქოს საქართველომ დაბომბა ცხინვალი მათ შორის კასეტური იარაღის გამოყენებით.

საქართველოს მთავრობამ, რა თქმა უნდა, წარადგინა მყარი მტკიცებულებები, რომლითაც ეს ეჭვები სრულად გაქარწყლდა და ევროპული სასამართლოს  მართლაც რომ ისტორიული გადაწყვეტილების შემდეგ, რომლითაც დადასტურდა, რომ თუკი ვინმე არღვევდა ადამიანის უფლებებს და თუ ვინმე სჩადიოდა დანაშაულს 2008 წლის ომის დროს ეს იყო რუსეთის ფედერაცია,  ამ ყოველივეს შემდეგ თუ ვინმე ცდილობს დღეს განაცხადოს, რომ საქართველომ ცხინვალში კასეტური ბომბები ჩამოყარა, ეს მხოლოდ რუსული ნარატივის გაგრძელებაა და რა თქმა უნდა მიმართულია საქართველოს სახელმწიფო ინტერესების წინააღმდეგ“, - განაცხადა ბექა ძამაშვილმა.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი