2020-08-14 23:30:03, 1101 ნახვა
მსოფლიო
ევროკავშირის ქვეყნებმა ბელარუსისთვის სანქციების დაწესებას მხარი დაუჭირეს
ევროკავშირის წევრი ქვეყნების საგარეო საქმეთა მინისტრებმა ბელარუსისთვის სანქციების დაწესებას მხარი დაუჭირეს.
ამის შესახებ ინფორმაციას რადიო თავისუფლების ევროპის ბიუროს ხელმძღვანელი რიკარდ იოზვაკი ავრცელებს.
გავრცელებული ინფორმაციით, სანქციების სია უახლოეს დღეებში იქნება შემუშავებული.
შეგახსენებთ, რომ 9 აგვისტოს ბელარუსში საპრეზიდენტო არჩევნები გაიმართა. ცესკოს მონაცემებით, ქვეყნის მოქმედმა პრეზიდენტმა არჩევნებზე 80.23% მოიპოვა.
ეგზიტპოლის გამოქვეყნების შემდეგ, მოსახლეობა გარეთ გამოვიდა. ბოლო რამდენიმე დღის განმავლობაში ათობით ადამიანი დაშავდა, 2 კი გარდაიცვალა.
ავტორი: ექსპრესნიუსი,
epn.ge (@expressnews.ge)
