ბათუმის ენდოკრინოლოგიის ცენტრში საიუბილეო თარიღთან დაკავშირებით, უფასო სამედიცინო აქცია მიმდინარეობს.

სამკურნალო-დიაგნოსტიკური დაწესებულება პაციენტებს სთავაზობს ენდოკრინოლოგის, გასტროენტეროლოგის, თერაპევტის, ნევროლოგის, ფსიქონევროლოგისა და ალერგოლოგ-იმუნოლოგის კონსულტაციას, ასევე ლაბორატორიულ კვლევებს. აქციაზე მისულ პაციენტთა ნაწილს საჩუქრად გადაეცემა გლუკომეტრები.

ბათუმის ენდოკრინოლოგიის ცენტრში მიმდინარე აქციას აჭარის ა/რ ჯანმრთელობისა და სოციალური დაცვის მინისტრი - ზაალ მიქელაძე და მინისტრის პირველი მოადგილე - ლელა სურმანიძე დაესწრნენ.

ბათუმის ენდოკრინოლოგიის ცენტრი, 26 მაისის ქ. N27-ში მდებარეობს. კლინიკაში ფუნქციონირებს „სიმსუქნის სკოლა“, რაც წონაში უსაფრთხო კლებას გულისხმობს, ასევე ტარდება ულტრასონოგრაფიული კვლევები: ფარისებრი ჯირკვლის ულტრასონოგრაფია; სარძევე ჯირკვლის ულტრასონოგრაფია; მუცლის ღრუს ორგანოების ულტრასონოგრაფია; თირკმლების ულტრასონოგრაფია; ექოსკოპიური კონტროლით ბიოფსია; სპირომეტრია.

ცენტრში უფასო სამედიცინო აქცია 2017 წლის 27 მაისსაც ჩატარდება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საელჩო - საფრანგეთი წარმატებებს უსურვებს ახალ პატრიარქს სულიერი მისიის შესრულებაში საქართველოს ერთიანობის სამსახურში

მოსკოვის საპატრიარქოს მილოცვა - ჩვენ დიდად ვაფასებთ იმ ფაქტს, რომ თქვენი ცხოვრების ნაწილი დაკავშირებულია მოსკოვთან

მსოფლიო პატრიარქის გულისამაჩუყებელი მიმართვა საქართველოს ახალი პატრიარქისადმი

მინისტრების, სახელმწიფო რწმუნებულებისა და მერების მოადგილეებს სახელფასო დანამატისა და ფულადი ჯილდოს მიღების შესაძლებლობა ექნებათ