ბაღდადში ორი აფეთქების შედეგად 22 დაიღუპა, 70-ზე მეტი კი დაშავდა, - ამის შესახებ ინფორმაციას Reuters ერაყის პოლიციაზე დაყრდნობით ავრცელებს.

სამართალდამცველების ცნობით, ერთი აფეთქება კომერციულ რაიონში, მეორე კი სამხედრო ბლოკპოსტთან მოხდა.

ბაღდადის აღმოსავლეთ ნაწილში მდებარე ალ-ჯადეედას რაიონში, სადაც სავაჭრო დაწესებულებებია განთავსებული, დანაღმული ავტომობილი აფეთქდა, რასაც 15 ადამიანი ემსხვერპლა.

მედიის ინფორმაციით, ბაღდადის ჩრდილოეთ ნაწილში, ტაჯის ბლოკპოსტის ტერიტორიაზე კი თვითმკვლელმა ტერორისტმა თავი აიფეთქა, რის შედეგადაც 7 სამხედრო დაიღუპა.

აღსანიშნავია, რომ ბაღდადში ტერაქტების სერია "ისლამური სახელმწიფოსგან" ფალუჯას გასათავისუფლებლად მიმდინარე სამხედრო ოპერაციის დროს განხორციელდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს

“რომელი ბრენდი იმსახურებს ჩემპიონს?“ - საქართველოს ბანკის ახალი კამპანია პარალიმპიელი ჩემპიონებისთვის ახალი შესაძლებლობების შესაქმნელად