უნგრეთის პრემიერ-მინისტრი ვიქტორ ორბანი რჩება ერთადერთ ევროკავშირის ლიდერად, რომელიც ღიად დათანხმდა აშშ-ის პრეზიდენტის, დონალდ ტრამპის მიერ ინიცირებულ სამშვიდობო საბჭოში გაწევრიანებას.

საბჭოში გაწევრიანების მოწვევა დაახლოებით 60 ქვეყანას გაეგზავნა.

ისრაელმა, საუდის არაბეთმა, არაბთა გაერთიანებულმა საემიროებმა, ბაჰრეინმა, იორდანიამ, ყატარმა, ეგვიპტემ, მაროკომ, პაკისტანმა, ინდონეზიამ, კოსოვომ, უზბეკეთმა, ყაზახეთმა, პარაგვაიმ, ვიეტნამმა, აზერბაიჯანმა და სომხეთმა ოფიციალურად გამოთქვეს ტრამპის ინიციატივაში გაწევრიანების სურვილი.

ნატოს წევრებს შორის მხოლოდ თურქეთმა და უნგრეთმა გამოაცხადეს გაწევრიანების გადაწყვეტილება. უნგრეთი ევროკავშირის ერთადერთი ქვეყანაა, რომელიც დათანხმდა სამშვიდობო საბჭოში წარმომადგენლობას.

ისეთმა ქვეყნებმა, როგორიცაა ნორვეგია, დანია და საფრანგეთი, განაცხადეს აშშ-ის პრეზიდენტის სამშვიდობო საბჭოში გაწევრიანებაზე უარის თქმის შესახებ. ევროკავშირის დანარჩენმა სახელმწიფოებმა ან საჯაროდ არ გააკეთეს კომენტარი მოწვევაზე, ან განაცხადეს, რომ მათ მეტი დრო სჭირდებათ წინადადების განსახილველად.

მოწვეულთა შორის ასევე არიან უკრაინა და რუსეთი.

როგორც ცნობილია, 20 იანვარს, თვითგამოცხადებული ბელორუსის პრეზიდენტი ალექსანდრე ლუკაშენკო გახდა პირველი, ვინც ხელი მოაწერა დოკუმენტს, რომლითაც აშშ-ის პრეზიდენტის, დონალდ ტრამპის მოწვევით, მისი ქვეყანა სამშვიდობო საბჭოში გაწევრიანებას ავალდებულებდა.

აშშ-ის პრეზიდენტის გეგმის თანახმად, ღაზას სამშვიდობო საბჭო უნდა შეიქმნას სამშვიდობო საბჭოს უფრო ფართო ქოლგის ქვეშ, რისთვისაც ტრამპი აპირებს შტატებისგან 1 მილიარდი დოლარის მოთხოვნას მუდმივი წევრობისთვის.

„როიტერის“ მიერ განხილული წესდების პროექტის თანახმად, ტრამპი საბჭოს უვადოდ უხელმძღვანელებს, მაშინაც კი, თუ ის აღარ იქნება აშშ-ის პრეზიდენტი.

ავტორი: ექსპრესნიუსი,

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო