03:49 - 08 Apr, 2020
2020-03-23 19:05:42, 883 ნახვა

ეკონომიკა
გახარიამ მსხვილი ბიზნესის წარმომადგენლებთან კორონავირუსის გლობალურ გამოწვევასთან გამკლავებისთვის განსახორციელებელი ნაბიჯები განიხილა

კორონავირუსის გლობალურ გამოწვევასთან სწრაფად და ეფექტურად გამკლავების მიზნით სახელმწიფოსა და ბიზნესის მხრიდან ერთობლივად განსახორციელებელი ნაბიჯები განიხილეს  საქართველოს პრემიერ-მინისტრმა გიორგი გახარიამ და  მსხვილი ბიზნესის წარმომადგენლებმა შეხვედრაზე, რომელიც დღეს მთავრობის ადმინისტრაციაში გაიმართა.

მთავრობის მეთაურმა ყურადღება გაამახვილა კერძო სექტორისა და მსხვილი დამსაქმებლების როლზე, ქვეყნის ეკონომიკის წინაშე არსებული გამოწვევების გადალახვის პროცესში.

საუბარი შეეხო ქვეყანაში საგანგებო მდგომარეობის გამოცხადების შედეგად დაწესებულ შეზღუდვებს და მთავრობის მიერ მიღებული გადაწყვეტილებების აღსრულების პროცესს, მათ შორის ბიზნესის მხრიდან დასაქმებულთა მაქსიმალური უსაფრთხოების უზრუნველყოფას და ამ საკითხთან დაკავშირებული რეკომენდაციების დაცვას.

ბიზნესის წარმომადგენლებს დეტალურად განემარტათ  ცალკეული რეგულაციების მოქმედების სფერო.

მსხვილი ბიზნესსუბიექტების წარმომადგენლებს საბანკო სექტორის მზაობის პროცესზე მიაწოდა ინფორმაცია ეროვნული ბანკის პრეზიდენტმა და აღნიშნა, რომ სექტორი მომზადებულია მოსალოდნელ ეკონომიკურ გამოწვევებთან გასამკლავებლად და ფინანსურ სექტორს შეუძლია, დაბალანსებულად უპასუხოს შექმნილ გამოწვევებს.

შეხვედრაზე ხაზგასმით აღინიშნა, რომ ქვეყნის მთელ ტერიტორიაზე საგანგებო რეჟიმის მოქმედების მიუხედავად, ინფრასტრუქტურულ პროექტები არ შეფერხდება და ჩვეულ რეჟიმში გაგრძელდება, ამასთანავე დაიწყება ახალი მსხვილი პროექტებიც, რაც ხელს შეუწყობს ეკონომიკის სტიმულირებას.

პრემიერის განცხადებით, მსგავსი გადაწყვეტილებები, ისევე, როგორც მთავრობის მიერ ბიზნესის მხარდასაჭერად უკვე გადადგმული და დაგეგმილი ნაბიჯები, ქვეყნის ეკონომიკას მისცემს საშუალებას, კრიზისის შემდგომ, განვითარების ჩვეულ რეჟიმს რაც შეიძლება მოკლე ვადაში დაუბრუნდეს.

მსხვილი ბიზნესის წარმომადგენლებმა კორონავირუსთან ბრძოლის პროცესში მთავრობის მიერ გადადგმული ნაბიჯები ეფექტურად შეაფასეს და აღნიშნეს, რომ ბიზნესი მზადაა, აიღოს პასუხისმგებლობა და ფულადი თუ მატერიალური რესურსებით მაქსიმალურად დაუჭიროს მხარი სახელმწიფოს შექმნილი ვითარების დაძლევის პროცესში.

შეხვედრაზე ასევე განხილული იყო კორონავირუსის გავრცელების გამო ბიზნესის წინაშე არსებული გამოწვევები და მათი ეფექტური გადაჭრის  კონკრეტული მექანიზმები.

შეხვედრაში საქართველოს ვიცე-პრემიერი, რეგიონული განვითარებისა და ინფრასტრუქტურის მინისტრი მაია ცქიტიშვილი, ეროვნული ბანკის პრეზიდენტი კობა გვენეტაძე, პრემიერ-მინისტრის მრჩეველი ეკონომიკურ საკითხებში ბექა ლილუაშვილი და ბიზნესომბუდსმენი მიხეილ დაუშვილი მონაწილეობდნენ.

 

 




ავტორი: ექსპრესნიუსი,


სოციალური ქსელები
კომენტარები

კორონავირუსი - ყველა სიახლე

2020-04-08 00:40:46

დავითაშვილი - ახალი სახელმწიფო პროგრამით, ბიზნესი საკუთარი ინტერესების დაზიანების გარეშე მოახდენს მოსახლეობის პროდუქციით უზრუნველყოფას

2020-04-07 23:36:23

დავითაშვილი - კომერციულად მისაღები ინიციატივები შესაძლოა არ იყოს თავსებადი ჯანდაცვის რეკომენდაციებთან, ჩვენი უპირველესი ამოცანა კი, მოსახლეობის ჯანმრთელობის დაცვაა

2020-04-07 23:05:04

დავითაშვილი - შეიქმნა პლატფორმა, სადაც ფერმერებს შესაძლებლობა ეძლევათ მოვაჭრეებს თავიანთი წარმოებული მალფუჭებადი სურსათი მიაწოდონ

2020-04-07 22:09:32

საქართველოში კორონავირუსით ინფიცირებულთა რიცხვი 196-მდე გაიზარდა

2020-04-07 22:06:21

გამყრელიძე -ვპროგნოზირებთ, რომ კვირის ბოლოს დაავადება უნდა გვქონდეს 350-400-ის ფარგლებში

ვიდეო/LIVE

საქართველოში კორონავირუსით მეორე ადამიანი გარდაიცვალა.







არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics