თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსით ინფიცირებული ახალი პაციენტი ბათუმის ინფექციურ საავადმყოფოშია მოთავსებული.

მისი თქმით, 44 ინფიცირებული პაციენტიდან 4 მათგანის მდგომარეობა პრობლემურია.

„საქართველოში კორონავირუსით ინფიცირების 44 პაციენტია დადასტურებული. 2 პაციენტია აჭარაში, 3 პაციენტი დაფიქსირდა ბოჭორიშვილის სახელობის კლინიკაში, 4 პაციენტი იმყოფება პირველ საუნივერსიტეტო კლინიკაში. 32 პაციენტი იმყოფება ჩვენს კლინიკაში და დანარჩენი 3 თუ არ ვცდები არის საჩხერის კლინიკაში. დღევანდელი სიტუაციიდან გამომდინარე, ამ 44 პაციენტში პრობლემური პაციენტი კვლავ რჩება ჯერჯერობით 4. ჩვენი ორი პაციენტიდან, ასაკოვანი ქალბატონი და ასევე, საუნივერსიტეტო კლინიკაშია 2 ასეთი პრობლემური პაციენტი. პაციენტების მდგომარეობა ამ ეტაპზე სტაბილურია. დინამიკაში გაუარესება არ შეიმჩნევა, მაგრამ ამ პაციენტებს, ძირითადად ასაკის გამო თანარსებული დაავადებების გამო მოსალოდნელი არის დაავადების ნებისმიერ ეტაპზე პროგრესირება, გართულება და არაკეთილსაიმედო გამოსავალი, თუმცა ვიმედოვნებთ, რომ ეს ასე არ მოხდება“, - განაცხადა მარინა ეზუგბაიამ.

ავტორი: ექსპრესნიუსი,

სოციალური ქსელები

რა წერია საქართველოს შესახებ PACE-ს რეზოლუციაში - სრულად

გენერალური პროკურორი: ექიმ ჩახუნაშვილს არჩევანი აქვს: აღიაროს დანაშაული და მოინანიოს

35 წლის ნინო მუჯირი პირველ სამშობიარო სახლში გარდაიცვალა, ოჯახი პერსონალის დასჯას ითხოვს

პესკოვი: ჯერ კიდევ გაურკვეველია, თუ რას უხელმძღვანელებს ცხინვალის „ყოფილი ლიდერი“