„მინდა დაგარწმუნოთ, რომ არსებობს ყველა წინაპირობა სტიმულირების იმ მექამიზმებით, რომელსაც ჩვენს პარტნიორებთან ერთად ვამუშავებთ, ძალიან მალე დავუბრუნდეთ განვითარების იმ ტემპებს და იმ ნიშნულს, რომელიც გვქონდა“, - ამის შესახებ ფინანსთა მინისტრმა, ივანე მაჭავარიანმა დღეს, ეროვნულ ბანკში გამართულ ერთობლივ ბრიფინგზე განაცხადა, რომელზეც ეროვნული ბანკის პრეზიდენტმა, კობა გვენეტაძემ, ასევე, საერთაშორისო სავალუტო ფონდის მუდმივმა წარმომადგენელმა საქართველოში, სელიმ ჩაკირმა კორონავირუსის ეკონომიკურ გავლენასთან გასამკლავებლად საერთაშორისო საფინანსო ორგანიზაციებისა და საქართველოს ხელისუფლების თანამშრომლობაზე ისაუბრეს.

 როგორც ფინანსთა მინისტრმა აღნიშნა, იგეგმება საერთაშორისო სავალუტო ფონდის პროგრამის ზრდა. მიმდინარეობს ინტენსიური მოლაპარაკებები სხვა დონორ ორგანიზაციებთან, საიდანაც ასევე შესაძლებელი იქნება სერიოზული დახმარების მობილიზება.

 „მინდა ხაზი გავუსვა, რომ ამ კრიზისულ ვითარებას ფინანსთა სამინისტრო საკმაოდ მომზადებული შეხვდა. მოგეხსენებათ, ჩვენთვის გასული ფისკალური წელი საკმაოდ წარმატებული იყო. შარშან, ჩვენ გვქონდა ისტორიულად მაღალი გადაჭარბება საგადასახადო შემოსავლებში. ამის ხარჯზე შევქმენით საკმაოდ დიდი მოცულობის ფისკალური ბუფერები, რაც ჩვენთვის სტრატეგიული მნიშვნელობის აღმოჩნდა. დღეს, ამ კრიზისულ სიტუაციაში, გვაქვს შესაძლებლობა, გამოვიყენოთ აღნიშნული რეზერვები. შესაბამისად, უახლოეს პერიოდში, ჩვენ ვგეგმავთ საკმაოდ მოცულობითი მაკროეკონომიკური სტიმულირების პაკეტის წარდგენას“, - აღნიშნა ივანე მაჭავარიანმა.

ამავე დროს, ფინანსთა მინისტრმა ხაზი გაუსვა ჯანდაცვის სისტემის მნიშვნელობას.

 „დღეს, კრიტიკულად მნიშვნელოვანია, ჩვენი ჯანდაცვის სისტემა იყოს მდგრადი. ამ ეტაპზე, ჩვენი ხელისუფლებისა და ჩვენი მოქალაქეების მთელი ძალისხმევა მიმართული უნდა იყოს ამ პანდემიის შეჩერებისა და საბოლოო ჯამში, მისი დამარცხებისკენ. კორონავიურსის წინააღმდეგ ბრძოლის თვალსაზრისით, საქართველო საკმაოდ კარგად გამოიყურება საერთაშორისო არენაზე და ეს პროცესი უნდა გაგრძელდეს“, - განაცხადა ფინანსთა მინისტრმა, ივანე მაჭავარიანმა.

ავტორი: NS (სტატია დაფინანსებულია),

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია