„მე ერთი რამ მაინტერესებს, გაბედავს თუ არა, რომ ახსენოს სიტყვა რუსეთი, თუ სადღაც ბოლოში მორცხვად იტყვის ჩვენი ჩრდილოელი მეზობელი“, - ამის სესახებ „ნაციონალური მოძრაობის“ წევრმა რომან გოცირიძემ განაცხადა.

გოცირიძე აღნიშნავს, რომ პრეზიდენტმა პასუხი უნდა გასცეს კითხვებს შეწყალებასთან დაკავშირებით.

„მე ერთი რამ მაინტერესებს, გაბედავს თუ არა, რომ ახსენოს სიტყვა რუსეთი, თუ სადღაც ბოლოში მორცხვად იტყვის ჩვენი ჩრდილოელი მეზობელი. წინასაარჩევნოდ რუსეთის კრიტიკაზე უფლება აიღეს თავად რუსეთისგან. ახლა მოვისმინეთ ძალიან გასაკვირი განცხადება, პარლამენტის თავმჯდომარემ ბრძანა, რომ რუსეთმა საქართველოზე განახორციელა თავხედური კიბერშეტევაზე. სადღაც ინტერვიუ მიუცია, გასაკვირია, 8 წელი გავიდა და ივანიშვილს პუტინი არ უხსენებია. ერთადერთხელ ახსენა, როცა ბრძანა, რომ არ სჯერა, რომ პუტინს სხვა ქვეყნების დაპყრობა უნდა და სამი თვის მერე პუტინმა დაპყრო ყირიმი - საქართველოს დაპყრობა კი არ უნდოდა შემოეპყრო, უჩხიკინებდნენ.

მან უნდა გასცეს პასუხი ყველა იმ ქმედებებზე, მათ შორის, დანაშაულებრივ ქმედებებზე, რომლის წინააღმდეგაც საქმე არის აღძრული. იგივე შეწყალებასთან დაკავშირებით. ასევე, აპირებს თუ არა ის დეკანოზ მამალაძის შეწყალებას, აპირებს თუ არა გაბედოს და გიგი უგულავა და სხვა პოლიტპატიმრები გაათავისუფლოს უკანონო პატიმრობიდან. თუმცა, ეს იქმება ფუჭი შეკითხვა, ვინაიდან, ის ამას ვერ წყვეტს“, - განაცხადა რომან გოცირიძემ.

ავტორი: ექსპრესნიუსი,

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის