„თუ მინისტერიალი თბილისში ლავროვის ხელმძღვანელობით ჩატარდება, საზოგადოებრივ პროტესტს გამოიწვევს, რაც სამართლიანი იქნება“, - ასე ეხმაურება ფრაქცია „დამოუკიდებელი დეპუტატების“ თავმჯდომარე, მარიამ ჯაში საქართველოში რუსეთის დელეგაციის შესაძლო ვიზიტს.

მისი თქმით, გონივრული იქნება, თუ აღნისნული შეხვედრა სტრასბურგში გაიმართება.

„გონივრული იქნება როგორც პოლიტიკური, ასევე ჩვენი საზოგადოებისადმი ანგარიშვალდებულების თვალსაზრისით, რომ აღნიშნული შეხვედრა ჩატარდეს სტრასბურგში. რუსეთთან ურთიერთობების დარეგულირება არის აუცილებელი, მაგრამ არა საქართველოს სახელმწიფო ინტერესების ხარჯზე. ვშიშობ, რომ თუკი მაისში ჩატარდა აღნიშნული შეხვედრა თბილისში, მით უმეტეს, თუკი ის ჩატარდა ბატონი ლავროვის ხელმძღვანელობით, ამან შეიძლება გამოიწვიოს მნიშვნელოვანი საზოგადოებრივი პროტესტი, რაც იქნება სამართლიანი“, - განაცხადა მარიამ ჯაშმა.

შეგახსენებთ, რომ საქართველომ, როგორც ევროსაბჭოს თავმჯდომარე ქვეყანამ, მაისში ევროპის საბჭოს მინისტერიალს და ორგანიზაციის წევრი ქვეყნების დელეგაციებს უნდა უმასპინძლოს. გავრცელებული ინფორმაციით, რუსეთის დელეგაციას სერგეი ლავროვი უხელმძღვანელებს, რომელსაც „საქართველოს ოკუპირებული ტერიტორიების შესახებ“ კანონი რამდენჯერმე აქვს დარღვეული. თბილისში რუსეთის დელეგაციის შესაძლო ვიზიტს  ქართული საზოგადოების დიდი ნაწილისგან პროტესტი მოჰყვა, რის გამოც დღის წესრიგში ღონისძიების სტრასბურგში ჩატარების საკითხი დადგა.

ავტორი: ექსპრესნიუსი,

სოციალური ქსელები

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა

Bloomberg: რუსეთის საწვავის კრიზისმა გავლენა მოახდინა ცენტრალურ აზიაზე