„„ნაციონალური მოძრაობის“ ხელისუფლებამ, 100 წლის შემდეგ,  კიდევ ერთხელ განაპირობა რუსეთის ოკუპაცია“, - ამის შესახებ საქართველოს თავდაცვის მინისტრმა ირაკლი ღარიბაშვილმა საბჭოთა ოკუპაციის დღესთან დაკავშირებით ჟურნალისტებს განუცხადა.

როგორც ღარიბაშვილმა ჟურნალისტებს მიმართა, ისინი დღეს სახელმწიფო საკითხებზე საუბრის ნაცვლად, გამოგონილ თემებზე საუბრობენ.

 „თქვენ, მედია  ოკუპაციას მიკეთებთ, ესეთი სტილი რა უბედურებაა. დღეს არის  საბჭოთა ოკუპაციის დღე, თქვენმა ხელისუფლებამ, „ნაციონალური მოძრაობის“ ხელისუფლებამ, მიხეილ სააკაშვილმა, თქვენმა ხელმძღვანელმა 100 წლის შემდეგ, კიდევ ერთხელ განაპირობა რუსეთის ოკუპაცია. თქვენ დღეს ნაცვლად იმისა, რომ ისაუბროთ საერთო სახალხო საერთო სახელმწიფო საკითხებზე, საუბრობთ რაღაც გაუგებარ გამოგონილ თემებზე", - განაცხადა ირაკლი ღრიბაშვილმა.

შეგახსენებთ, რომ საქართველოს პარლამენტის 2010 წლის 21 ივლისის დადგენილების თანახმად, 25 თებერვალი საბჭოთა ოკუპაციის დღედ არის გამოცხადებული. ოკუპაციის ასეულათასობით მსხვერპლთა პატივსაცემად, ამ დღეს საქართველოს მთელ ტერიტორიაზე სახელმწიფო დროშები ეშვება. 1921 წლის 25 თებერვალს, რუსეთის წითელმა არმიამ თბილისი აიღო და საქართველოს საყოველთაო და თავისუფალი არჩევნების გზით არჩეული ხელისუფლება დაამხო, რის შედეგადაც განახორციელა საერთაშორისო სამართლის სუბიექტის – საქართველოს დემოკრატიული რესპუბლიკის ანექსია.

ავტორი: ექსპრესნიუსი,

სოციალური ქსელები

რუსთაველის გამზირზე მოასფალტების სამუშაოები დაიწყო

კახა კალაძე - საკონსტიტუციო სასამართლოს წარვუდგინეთ არგუმენტები, რომ კონკრეტული პარტიები ქვეყნის წინააღმდეგ მოქმედებენ

თვითმფრინავებზე ბომბის მუქარამ კვლავ იმოქმედა ევროპაში ათობით რეისზე

ხელოვნური ინტელექტის აქციების არჩევნების შემდგომმა ვარდნამ გლობალური ბაზრები მოიცვა