„ყველაფერი არის პოლიტიკა“, - ასე აფასებს ხორავას ქუჩაზე მომხდარი, დავით სარალიძის მკვლელობაში მსჯავრდებულის, მიხეილ კალანდიას მამა, თენგიზ კალანდია მისი შვილის მიმართ ცოტა ხნის წინ გამოტანილ განაჩენს.

მისი განცხადებით, გამოძიება ვერ წაიყვანეს ისე, რომ ჭეშმარიტება დაედგინათ, რის გამოც კალანდიების ოჯახს „შეახოცეს“ ხელი.

„ჯოჯოხეთში რომ მომიწიოს ჩასვლა, ჩავალ და სხვებსაც წავიყოლებ, ვინც მონაწილეობა მიიღო ჩემი შვილის დაპატიმრებაში. რა თქმა უნდა, პოლიტიკური გადაწყვეტილებაა. ეს იყო სერგი კაპანაძის, „ევროპული საქართველოს“ და მათ შორის, „ოცნების“ ინტერესი. „ოცნებამ“ თავიანთი გაფუჭებული საქმეები ვერ გამოასწორა და ჩემ შვილს შეტენა ყველაფერი. მეტი აქ არაფერი ინტერესი არ იყო. ჩემი შვილის პატიმრობა პროკურატურის ინტერესიც იყო, სასამართლოს ინტერესიც იყო, შინაგან საქმეთა სამინისტროსიც და „ოცნების“ ინტერესიც იყო. ყველაფერი ჩემ შვილს შეტენეს. გამოძიება ვერ წაიყვანეს ისე, რომ ჭეშმარიტება დაედგინათ და ყველაზე დაბალი ღობე მე მნახეს, ექვს შვილიანი ოჯახი, რომელსაც არც ფული გვაქ და არც ნაცნობობა. ჩვენ გაგვწირეს, ყველაზე ადვილად ჩვენზე შესახოცი იყო ხელი. თვითონ ყველა კარგადაა. ამ საქმეში სუბელიანის ინტერესი არაფერი არ იყო. აქ იყო „ევროპული საქართველოს“ ინტერესი, რომ დაედგინათ თითქოს სუბელიანს ჰქონდა კადრები, მეტი არაფერი ინტერესი არ იყო სუბელიანის. ყველამ აიღო ფული და ყველამ რაღაც სარგებელი ნახა ამ საქმიდან, რომ მიხეილ კალანდია დაჭერილიყო. რა თქმა უნდა, ვგულისხმობ ზაზა სარალიძესაც. ყველაფერი არის პოლიტიკა“, - განაცხადა თენგიზ კალანდიამ.

ცნობისთვის, საქალაქო სასამართლოს გადაწყვეტილებით, დავით სარალიძის მკვლელობაშ ბრალდებული მიხეილ კალანდია დამნაშავედ სცნეს. მას თავისუფლების აღკვეთა 15 წლით შეუფარდეს, ხოლო არასრულწლოვანთა მართლმსაჯულების კოდექსის მიხედვით, სასჯელი ერთი მესამედით შეუმცირდა და საბოლოოდ, სასჯელის სახით 11 წელი და 3 თვე შეეფარდა.

ავტორი: ექსპრესნიუსი,

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის