„ოპოზიციას საარჩევნო ცვლილებები არ აინტერესებს, მათი სცენარი რევოლუციურია, რასაც ვერ განავითარებენ“, - ამის შესახებ საპარლამენტო უმრავლესობის ლიდერმა მამუკა მდინარაძემ ჟურნალისტებს განუცხადა.

როგორც მან აღნიშნა, ოპოზიციას ძალიან ცოტა დრო რჩება, რათა ხელისუფლების შეთავაზებაზე თავისი პასუხი თქვას.

„ძალიან ცოტა დრო რჩება იმ დროის გასვლამდე, როცა ოპოზიციამ თავისი პასუხი უნდა თქვას. იქიდან გამომდინარე, რომ თუ პასუხი არ იქნება, მათი ლუსტრაცია მოხდება. უნდა თქვან, უბრუნდებიან თუ არა დიალოგის მაგიდას, რასაც მოუწოდებენ ჩვენი ამერიკელი და ევროპელი პარტნიორები. დედლაინი ბოლო დრო გამოწვეულია იმით, რომ შემდეგ შეუძლებელი იქნება საარჩევნო ცვლილებები. აქედან გამომდინარე, მათ თებერვლის ბოლომდე უნდა თქვან, უბრუნდებიან თუ არა დიალოგის მაგიდას და ასევე, უნდა თქვან თავიანთი შემხვედრი, ოდნავ რაციონალური წინადადება. ჩვენი წინადადება მათ იციან,  100/50 -ზე საარჩევნო მოდელი იციან. ეს ბევრად სჯობს 77/73 -ზე მოდელს პროპორციული თვალსაზრისით, თორემ ცალკე აღებული ეს რა თქმა უნდა, ლეგიტიმურია. მათ საარჩევნო ცვლილებები და არჩევნები არ აინტერესებთ. მათი სცენარი რევოლუციურია. პირობას ვაძლევთ, რომ ვერ განავითარებენ.“, - განაცხადა მამუკა მდინარაძემ.

ავტორი: ექსპრესნიუსი,

სოციალური ქსელები

რუსთაველის გამზირზე მოასფალტების სამუშაოები დაიწყო

კახა კალაძე - საკონსტიტუციო სასამართლოს წარვუდგინეთ არგუმენტები, რომ კონკრეტული პარტიები ქვეყნის წინააღმდეგ მოქმედებენ

თვითმფრინავებზე ბომბის მუქარამ კვლავ იმოქმედა ევროპაში ათობით რეისზე

ხელოვნური ინტელექტის აქციების არჩევნების შემდგომმა ვარდნამ გლობალური ბაზრები მოიცვა