„მეტი კახა, მეტი ბიძინა, მეტი აჩიკო, მეტი დაჩი და მეტი ნუკრი. რაც უფრო მეტი იქნებიან, მით უკეთესია ჩვენთვის. ვინც კი წერა-კითხვა იცოდა, ყველა გაიქცა“, - ასე გამოეხმაურა „ნაციონალური მოძრაობის წევრი რომან გოცირიძე თბილისის მერის, კახა კალაძის განაცხადა - „მეტი ვანო ოპოზიციას".

მანვე თქვა, რომ სიტყვა „დამხობა“ხატოვანი გამონათქვამია და ივანიშვილის რეჟიმი არის დამხობის ტოლფასი, რადგან რეალურად, ქვეყნის ყველა კონსტიტუციური შტო უზურპირებულია ერთი ადამიანის მიერ.

„ვანო მერაბიშვილის განცხადების მთავარი შინაარსი იყო, რომ მონაწილეობას აპირებს ამ რეჟიმის პოლიტიკური ხერხებით შეცვლაში. რაც შეეხება დამხობას, ეს არის ხატოვანი გამონათქვამი. ივანიშვილის რეჟიმი არის დამხობის ტოლფასი, რადგან რეალურად, ქვეყნის ყველა კონსტიტუციური შტო უზურპირებულია ერთი ადამიანის მიერ. ზღაპარში როგორც გველეშაპი დაეპატრონება წყალს, ბიძინა ივანიშვილი ყველაფერს დაახლოებით ასე დაეპატრონა.

„ქართული ოცნების“ პოლიტიკურ სანაგვეში გადაგდების ოქტომბრის თვე ხატოვნად შეიძლება შევადაროთ დამხობას. მას არ უთქვამს, რომ ხელისუფლების შეცვლას იარაღით ან ძალადობრივი გზით აპირებს. პოლიტიკას თავისი ლექსიკა აქვს. უამრავი პოლიტიკური სინონიმია – შეცვლა, გაშვება, გაპანღურება, გაძევება, ამხობა, დამხობა. ეს გამოიყენება საკუთარი აზრის წარმოსათქმელად. მას ხელისუფლების ძალადობრივად შეცვლა არ უთქვამს.

ვანო მერაბიშვილი იქნება ერთ-ერთი სერიოზული პოლიტიკური ფიგურა. სად იქნება და როგორ, გადაწყვეტილებას თავად მიიღებს. გასაკვირი არაფერია, რომ შვიდწლიანი, უსამართლო პატიმრობის შემდეგ ადამიანმა დაისვენოს. რაც შეეხება კალაძის განცხადებას, მეტი კახა კალაძე „ქართულ ოცნებას“. რაც უფრო მეტი კალაძე ეყოლებათ, მით უფრო წარუმატებლები იქნებიან. მეტი კახა, მეტი ბიძინა, მეტი აჩიკო, მეტი დაჩი და მეტი ნუკრი. რაც უფრო მეტი იქნებიან, მით უკეთესია ჩვენთვის. ვინც კი წერა-კითხვა იცოდა, ყველა გაიქცა“, - განაცხადა რომან გოცირიძემ.

ავტორი: ექსპრესნიუსი,

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა