რეგიონებში მაღალსიჩქარიანი ინტერნეტინფრასტრუქტურის განვითარების პროექტს არასამეწარმეო, არაკომერციული იურიდიული პირი „ოფენნეტი“ განახორციელებს, -ამის შესახებ დღეს გამართულ პრესკონფერენციაზე ინოვაციების და ტექნოლოგიების სააგენტოს ხელმძღვანელმა ირაკლი ქაშიბაძემ განაცხადა.

მისივე განმარტებით,  პროექტის ფარგლებში 2 000-მდე დასახლებული პუნქტი დაიფარება. 

ამასთან, ქაშიბაძის მტკიცებით,  მთავრობა საუკეთესო პრაქტიკის მქონე ქვეყნების მაგალითს გამოიყენებს, რომელიც საქართველოს საშუალებას მისცემს, მოსახლეობას მაღალსიჩქარიანი ინტერნეტი დაბალ ფასად მიაწოდოს.

"პროექტის განსახორციელებლად მთავრობა საუკეთესო პრაქტიკას გამოიყენებს, რომელიც ქვეყანას საშუალებას მისცემს, მაღალსიჩქარიანი ინტერნეტი მოსახლეობას დაბალ ფასად მიაწოდოს.  ერთ-ერთი საუკეთესო მაგალითი ლიტვაა. ამ ქვეყანაში ინტერნეტიზაციის მაღალი მაჩვენებლის მისაღწევად, სახელმწიფო კომპანია შეიქმნა, რომელმაც ოპტიკურ-ბოჭკოვანი ინფრასტრუქტურა იქ შექმნა, სადაც ოპერატორებს მაღალსიჩქარიანი ინტერნეტის მიწოდება დაგეგმილი არ ჰქონდათ. ლიტვის სახელმწიფო ოპერატორმა ქვეყანას საშუალება მისცა, ბაზარზე კონკურენცია ამაღლებულიყო და ახალი, მცირე და საშუალო პროვაიდერები გაჩენილიყო. მსგავსი მოდელით ინტერნეტქსელი  ბევრ ქვეყანაში ვითრდება“, -- განაცხადა ირაკლი ქაშიბაძემ და აქვე დასძინა, რომ  საქართველოში შსაბამისი ინფრასტრუქტურის ჩამოყალიბებისთვის შექმნილია არასამეწარმეო, არაკომერციული იურიდიული პირი „ოფენნეტი“, რომელიც აღნიშნულ  პროექტს განახორციელებს.

 „ოფენნეტი“ ინოვაციების და ტექნოლოგიების სააგენტოს ბაზაზე ფუნქციონირებს და  მაღალსიჩქარიან ინტერნეტინფასტრუქტურას მთელი ქვეყნის მასშტაბით განავითარებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მათიკაშვილი - პირდაპირი მსგავსებაა სექტანტურ მიმდინარეობასა და იმ ე.წ. პროტესტს შორის, რომელიც საქართველოში მიმდინარეობს

ბოჭორიშვილი: საქართველო მტკიცედ დგას უკრაინელი ხალხის გვერდით

სი ძინპინმა განაცხადა, რომ ჩინეთი და აშშ პარტნიორები უნდა იყვნენ და არა მეტოქეები

ირანის ბლოკადის აღდგენის შემდეგ თეირანთან დაკავშირებული დაკავებული სავაჭრო გემების რაოდენობამ 115-ს მიაღწია.