„„ნაციონალურ მოძრაობას“ და მის სატელიტებს არ აწყობთ ფაქტის დადგენა, რადგან ფაქტები ყოველთვის მათ საწინააღმდეგოდ მეტყველებენ“, - ამის შესახებ უმრავლესობის ლიდერმა მამუკა მდინარაძემ საკანონმდებლო ორგანოში გამართული ბრიფინგის დასრულების შემდეგ ჟურნალისტებს განუცხადა.

მისი თქმით, საქართველოში ფაქტების შემსწავლელი მისიის ჩამოსვლა უკვე გადაწყვეტილია.

„თქვენ იცით, რომ ჩვენი მოწვევით ფაქტების შემსწავლელი მისია პრაქტიკულად გადაწყვეტილია რომ ჩამოვა საქართველოში. ამან პანიკაში ჩააგდო „ნაციონალური მოძრაობა“ თავისი ყველა სატელიტით. თქვენ ნახეთ მათი განცხადებები დღეს. ეს ყველაფერი, მათი პათოსი და მათი პანიკური გამოვლინებები მათ განცხადებებზე აისახა და ნიშნავს იმას, რომ ერთადერთი, რაც ძალიან არ აწყობთ „ნაციონალურ მოძრაობას“ და მის სატელიტებს არის ფაქტის დადგენა, რადგან ფაქტები ყოველთვის მათ საწინააღმდეგოდ მეტყველებენ.  ჩვენ ვნახეთ „რუსთავი 2“-ის შემთხვევა, როდესაც ფაქტები აბსოლუტურად სხვაგან იყვნენ და მათი შეფასებები სხვაგან. სტრასბურგმა თქვა, რომ „რუსთავი 2“-ის მაშინდელი მენეჯმენტი, ნიკა გვარამია, „ნაცმოძრაობა“, ბათუ ქუთელიები და მთელი არასამათავრობო სექტორის ნაწილი იტყუებოდნენ. ამის შემდეგ იყო ეუთო/ოდირი, სადაც მან თქვა, რომ ეს არ არის ის ადგილი, სადაც დადგინდება კონსტიტუციურობა, რასაც ასევე იტყუებოდნენ. ახლა დადგნენ ფაქტის წინაშე, რომ შეიძლება ფაქტების შემსწავლელმა მისიამ, ევროპარლამენტმა დაადგინოს რომ ისევ იტყუებიან და აქედან გამომდინარეობს მათი განცხადებები“, - განაცხადა მამუკა მდინარაძემ.

შეგახსენებთ, რომ პარლამენტის პირველმა ვიცე-სპიკერმა გია ვოლსკიმ საკანონმდებლო ორგანოში გამართულ ბრიფინგზე განაცხადა, რომ  „ევროპული საქართველოს“ წევრის გიგი უგულავას დაკავებასთან დაკავშირებით ევროპარლამენტართა მრავალპარტიული ფაქტების დამდგენი მისია შეიქმნება, რომელიც ამ საქმეს სამართლებრივ-პოლიტიკური ასპექტით განიხილავს.

ავტორი: ექსპრესნიუსი,

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა