„იმ შემთხვევაში თუ გენერალურ პროკურორად დავინიშნები, ეს იქნება ჩემთვის საშუალება, რომ ხორავას ქუჩის საქმე ბოლომდე მივიდეს და აღსრულდეს მართლმსაჯულება“, - ამის შესახებ საპროკურორო საბჭოს მოსმენაზე ყოფილმა გენერალურმა პროკურორმა, ირაკლი შოთაძემ განაცხადა.

როგორც მან აღნიშნა, ყველაფერი უნდა გაკეთდეს, რომ დანაშაულის ჩამდენი პირები დაისაჯონ.

„მე გადადგომის შესახებ გადაწყვეტილება მივიღე იმ დღეს, როდესაც ხორავას ქუჩის საქმეზე პირველი ინსტანციის სასამართლოს გადაწყვტილება იქნა გამოტანილი. მე მაშინაც და ახლა ვაცხადებ, რომ იყო მთელი რიგი საგამოძიებო მოქმედებები ჩასატარებელი. მე მაშინაც ვამბობდი, რომ ერთადერთი მიზეზი, რატომაც გამოძიება ელოდებოდა პირველი ინსტანციის სასამართლოს გადაწყვეტილებას, იურიდიული ფაქტების დადგენის შესაძლებლობა იყო და ეს საშუალება უნდა გამოყენებულიყო. ეს გამოძიება ბოლომდე უნდა მივიდეს. ამ მიმართულებით ყველაფერი უნდა გაკეთდეს. ყველა დანაშაულის ჩამდენი უნდა დაისაჯოს. იმ შემთხვევაში თუ, რა თქმა უნდა, გენერალურ პროკურორად დავინიშნები, ეს  იქნება ჩემთვის საშუალება, რომ ხორავას ქუჩის საქმე და სხვა საქმეები ბოლომდე მივიდეს და აღსრულდეს მართლმსაჯულება“, - განაცხადა ირაკლი შოთაძემ.

ავტორი: ექსპრესნიუსი,

სოციალური ქსელები

„ახლა ჩვენი ჯერია“: ბაიდენმა ამერიკული გზის დაუმთავრებელ ბუნებაზე ისაუბრა

ტრამპი ხამენეის დაკრძალვაზე: ჩვენ შეგვიძლია ყველა ერთი დარტყმით გავანადგუროთ

ელენე ხოშტარიას მიმართვა ALDE-ს - რუსეთი ცდილობს დაამარცხოს ევროპა საქართველოში

ALDE-მ საქართველოს შესახებ რეზოლუცია მიიღო