„დემოკრატიული ხელისუფლებები ასე არ რეაგირებენ და კრიტიკულ წერილებს არ მალავენ, ასე გაბანკროტებული რეჟიმები იქცევიან“, - ასე გამოეხმაურა პრემიერ-მინისტრ გიორგი გახარიასთვის კონგრესმენების მიერ გამოგზავნლი წერილის დამალვას „ევროპული საქართველოს“ ლიდერი, დავით ბაქრაძე.

როგორც ბაქრაძემ აღნიშნა, წერილის დამალვის მცდელობა უაზროა, რადგან მას თავად ამერიკული მხარე აუცილებლად გაასაჯაროვებს.

„ეს წერილი მაინც ვერ დაიმალება, აუცილებლად გასაჯაროვდება თავად ამერიკული მხარის მიერ. ამ წერილის დამალვის ნებისმიერი მცდელობა არის უაზრო, პრიმიტიული მცდელობა რაღაცნაირად მიჩქმალონ კრიტიკა. დემოკრატიული ხელისუფლებები ასე არ რეაგირებენ და კრიტიკულ წერილებს არ მალავენ, ასე იქცევიან გაბანკროტებული რეჟიმები“, - განაცხადა დავით ბაქრაძემ.

შეგახსენებთ, რომ რესპუბლიკელი კონგრესმენის ადამ კინზინგერის ინფორმაციით, საქართველოს პრემიერ-მინისტრ გიორგი გახარიას ოთხმა კონგრესმენმა წერილი გაუგზავნა, თუმცა აღნიშნული ინფორმაცია პრემიერ-მინისტრს არ გაუსაჯაროებია.

ავტორი: ექსპრესნიუსი,

სოციალური ქსელები

რუსთაველის გამზირზე მოასფალტების სამუშაოები დაიწყო

კახა კალაძე - საკონსტიტუციო სასამართლოს წარვუდგინეთ არგუმენტები, რომ კონკრეტული პარტიები ქვეყნის წინააღმდეგ მოქმედებენ

თვითმფრინავებზე ბომბის მუქარამ კვლავ იმოქმედა ევროპაში ათობით რეისზე

ხელოვნური ინტელექტის აქციების არჩევნების შემდგომმა ვარდნამ გლობალური ბაზრები მოიცვა