2015-07-28 11:16:01, 646 ნახვა

---

მაღალმთიან რეგიონებში ადგილობრივებმა საზღვართან სამხედრო სავალდებულო სამსახური, შესაძლოა, აღარ გაიარონ

მაღალ მთიან რეგიონებში მუდმივად მცხოვრებმა  საქართველოს მოქალაქეებმა  სამხედრო სავალდებულო სამსახური სასაზღვრო ჯარებში შესაძლოა, აღარ გაიარონ.

ცვლილებას „საქართველოს სახელმწიფო საზღვრის შესახებ“ კანონპროექტი ითვალისწინებს, რომელიც შესაბამისობაში მოდის „სამხედრო ვალდებულებისა და სამხედრო სამსახურის“ შესახებ კანონპროექტთან.

მოქმედი კანონის თანახმად, მაღალმთიან რეგიონებში სამხედრო ვალდებულების მოხდის პრივილეგია ენიჭება აგრეთვე მაღალმთიანი რეგიონებიდან ბარში ჩასახლებულ მოსახლეობას. ცვლილების თანახმად, კი კანონიდან ეს ნორმაც იქნება ამოღებული.

ცნობისთვის, პარლამენტში დარეგისტრირდა, „სამხედრო ვალდებულებისა და სამხედრო სამსახურის“ შესახებ კანონპროექტი, რომელიც სამხედრო სავალდებულო სამსახურის გაუქმებას ითვალისწინებს.

კანონპროექტების ინიციატორია პარლამენტის წევრი ზურაბ ჯაფარიძე. იმ შემთხვვევაში, თუ პარლამენტი აღნიშნულ ცვლილებას დაამტკიცებს, კანონპროექტი ძალაში 2016 წლის 1 იანვიდან შევა ძალაში.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი