ექიმ ვაჟა გაფრინდაშვილის უკანონო პატიმრობიდან გათავისუფლებას ესტონეთის საგარეო საქმეთა მინისტრი, ურმას რეინსალუ გამოეხმაურა.

როგორც მინისტრის „ტვიტერის“ საკუთარ გვედზე წერს, გაფრინდაშვილის გათავისუფლება საქართველოს მთავრობისა და საერთაშორისო საზოგადოების ძალისხმევის შედეგია.

„საქართველოს მთავრობისა და საერთაშორისო საზოგადოების ძალისხმევამ შედეგი გამოიღო. მე მოხარული ვარ, რომ ექიმი ვაჟა გაფრინდაშვილი გათავისუფლდა და საკუთარ ოჯახს დაუბრუნდა“, - წერს ურმას რეინსალუ.

შეგახსენებთ, ოკუპანტების მიერ უკანონოდ დაკავებული ექიმი ვაჟა გაფრინდაშვილი პატიმრობიდან დღეს გათავისუფლდა. საოკუპაციო რეჟიმმა ვაჟა გაფრინდაშვილი 9 ნოემბერს დააკავა. ოკუპანტები ექიმს ე.წ საზღვრის უკანონო კვეთას ედავებოდნენ, თუმცა გაფრინდაშვილი წარდგენილ ბრალს არ აღიარებდა. 20 დეკემბერს ცხინვალის საოკუპაციო რეჟიმმა ვაჟა გაფრინდაშვილს 1 წლითა და 9 თვით პატიმრობა შეუფარდა.

ავტორი: ექსპრესნიუსი,

სოციალური ქსელები

„ამ კონფლიქტის ბუნება გაურკვეველია.“ ​​ტოკაევმა პუტინს მოუწოდა, შეეწყვიტა ომი უკრაინაში

ზუგდიდში სამხედრო მოსამსახურეს ეძებენ

სალომე ზურაბიშვილი- რეჟიმი ქვეყანას ვერ მართავს, მგონი რუსეთში გაიქცნენ

ელექტროენერგიის მასშტაბური გათიშვის გამო ყოფილ მინისტრს ივანიშვილის გუნდთან კითხვები აქვს