2019-12-19 23:21:18, 3773 ნახვა
სამართალი
მარიანა ჩოლოიანს აღკვეთის ღონისძიებად პატიმრობა შეეფარდა
მოსამართლემ გამომძიებელ მარიანა ჩოლოიანს აღკვეთის ღონისძიებად პატიმრობა შეუფარდა. ამ გადაწყვეტილებით მოსამართლე გიორგი კერატიშვილმა პროკურატურის შუამდგომლობა დააკმაყოფილა. დაცვის მხარე 5 000-ლარიან გირაოს ითხოვდა. აღკვეთის ღონისძიების შეფარდების პროცესი კლინიკაში გაიმართა. შეგახსენებთ, 17 დეკემბერს სახელმწიფო ინსპექტორის სამსახურში მარიანა ჩოლოიანის დაკავების შესახებ განცხადება გაკეთდა, რის შემდეგაც ჩოლოიანი, რომელიც 15 წლის მოზარდის საქმეზე დააკავეს, შეუძლოდ გახდა და საავადმყოფოში გადაიყვანეს.
ავტორი: ექსპრესნიუსი,
epn.ge (@expressnews.ge)
