პოლიციამ პარლამენტის შენობის მიმდებარე ტერიტორიაზე მიმდინარე აქციაზე ადმინისტრაციული სამართალდარღვევებისთვის 12 პირი დააკავა.

ამის შესახებ „ექსპრესნიუსს“ შინაგან საქმეთა სამინისტროში განუცხადეს.

უწყების ინფორმაციით, აღნიშნული პირები ადმინისტრაციულ სამართალდარღვევათა კოდექსის 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) და 166-ე (წვრილმანი ხულიგნობა) მუხლებით გათვალისწინებული სამართალდარღვევებისთვის არიან დაკავებული.

ცნობისთვის, დილიდან ოპოზიციის ლიდერებმა და მხარდამჭერებმა პარლამენტის შენობის პიკეტირება დაიწყეს. თავდაპირველად მათ პარლამენტის ყველა შესასვლელი დაიკავეს, თუმცა მოგვიანებით პოლიციამ ჩიტაძის ქუჩის მხრიდან არსებული შესასვლელი დაატოვებინათ. აღნიშნულს სამართალდამცველებსა და აქციის მონაწილეებს შორის დაპირისპირება მოჰყვა, რა დროსაც 12 პირი დააკავეს, რამდენიმე კი, ტერიტორიას გაარიდეს. არსებული ინფორმაციით, დაკავებულებს შორის არის „ახალი საქართველოს“ ლიდერი გიორგი ვაშაძეც.

შეგახსენებთ, დღეს პარლამენტი რამდენიმე მნიშვნელოვან საკითხზე იმსჯელებს. ერთ-ერთი მთავარი საკითხი უზენაესი სასამართლოს მოსამართლეობის კანდიდატთა კენჭისყრაა. გარდა ამისა, დეპუტატები ნიკა მელიასთვის მანდატის შეწყვეტაზეც იმსჯელებენ.

ავტორი: ექსპრესნიუსი,

სოციალური ქსელები

ბრეიზა სანქციებს ითხოვს - კობახიძე ბრიუსელში ვიზიტს პროპაგანდისთვის იყენებს

პაველ ჰერჩინსკი - ნუ დაკარგავთ იმედს, საქართველოს მომავალი ქართველი ხალხის ხელშია

ჰერჩინსკი - საქართველო ევროკავშირის კანდიდატად მხოლოდ სახელით რჩება

კალასი - იანვარში საქართველოს შესახებ სიღრმისეულად ვიმსჯელებთ