„ეშმაკი რომ დამაჯდეს მხარზე და მოგეხმარებიო ბიძინა ივანიშვილის დამარცხებაშიო, საერთოდ არ ვარ წინააღმდეგი, იმიტომ, რომ ისიც ეშმაკია და ესეც“, - ამის შესახებ სამოქალაქო მოძრაობა „სირცხვილიას“ ერთ-ერთმა ლიდერმა, გიგა მაქარაშვილმა „რუსთავი 2-თან“ საუბრისას განაცხადა.

როგორც მან აღნიშნა, ბურჯანაძის ვიზიტი მოსკოვში „სირცხვილიასთვის“ მიუღებელია, თუმცა ბიძინა ივანიშვილის წინააღმდეგ ბრძოლაში, მზად არიან მასთან ერთადაც დადგნენ. 

"ნინო ბურჯანაძე მადრიდის რეალის ფანი იყოს და მე იუვენტუსის ვარ, ბიძინა ივანიშვილის წინააღმდეგ ბრძოლაში ამ ეტაპზე ერთნი ვართ. თუმცა, ეს არ ნიშნავს იმას, რომ მიხარია და მომწონს მისი მოსკოვში ვიზიტი. კიდევ ერთხელ ვამბობ, მისი მოსკოვში ვიზიტი "სირცხვილიასთვის" არის მიუღებელი. ეშმაკი რომ დამაჯდეს მხარზე და მოგეხმარებიო ბიძინა ივანიშვილის დამარცხებაშიო, საერთოდ არ ვარ წინააღმდეგი, იმიტომ, რომ ისიც ეშმაკია და ესეც. არ ვიცი, ნინო ბურჯანაძე ვაჟა გაფრინდაშვილის თემაზეა ჩასული, ესე თქვეს და მე არ ვიცი სიმართლე გითხრათ. ძალიან დიდი იმედი მაქვს, თუ ასეა და რაღაც შედეგს გამოიღებს, კარგი იქნება, თუმცა, ეს არ ამართლებს რუსეთთან ერთი-ერთზე დიალოგს“, - აცხადებს გიგა მაქარაშვილი.

ავტორი: ექსპრესნიუსი,

სოციალური ქსელები

Axios: რუბიომ მოითხოვა ირანის დელეგაციის დაუყოვნებლივ გამგზავრება აშშ-დან

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო