საექსპერტო-კრიმინალისტიკური დეპარტამენტის ახალი შენობა და რაც მთავარია, ის ლაბორატორიები, რომელიც ამ შენობაშია, არის უაღრესად მნიშვნელოვანი შინაგან საქმეთა სამინისტროს სრულფასოვანი ფუნქციონირებისთვის და რაც მთავარია, საგამოძიებო კომპონენტის ეფექტურად წარმართვისთვის, - ამის შესახებ საქართველოს პრემიერ-მინისტრმა გიორგი გახარიამ შინაგან საქმეთა სამინისტროს საექსპერტო-კრიმინალისტიკური დეპარტამენტის ახალ შენობასთან და ლაბორატორიებთან   დაკავშირებით განაცხადა.

მთავრობის მეთაურის თქმით, ლაბორატორია  თანამედროვე მოთხოვნების უახლეს გამოწვევებს პასუხობს.

„ეს ლაბორატორია ჩვენს პოლიციელებს, გამომძიებლებს აძლევს საშუალებას, რომ ეფექტურად შეასრულონ თავისი მოვალეობა. აქ არის სრულიად თანამედროვე, უახლესი ლაბორატორიები, რომელიც ჩვენ ადრე არ გვქონდა. დნმ-დან დაწყებული, ბალისტიკით დამთავრებული. ყველაზე მთავარი არის ის, რომ მთელმა გუნდმა ძალიან ეფექტურად იმუშავა და ეს ყველაფერი ერთ წელიწადში გაკეთდა. მსურს, შინაგან საქმეთა სამინისტროს თითოეულ პოლიციელს და რაც მთავარია, კრიმინალისტიკის დეპარტამენტს მივულოცო, ისინი უკვე რამდენიმე დღეა ოპერირებენ ამ შესანიშნავ გარემოში და ვუსურვო წარმატებები", - განაცხადა გიორგი გახარიამ.

საპოლიციო ინფრასტრუქტურის განახლების პროექტის ფარგლებში აშენებული შენობა და მასში განთავსებული თანამედროვე ლაბორატორიები პრემიერ-მინისტრმა გიორგი გახარიამ, შინაგან საქმეთა მინისტრმა ვახტანგ გომელაურმა და სამინისტროს სხვა ხელმძღვანელმა პირებმა დაათვალიერეს.

შინაგან საქმეთა სამინისტროს საექსპერტო-კრიმინალისტიკური დეპარტამენტის ახალ შენობაში საერთაშორისო სტანდარტების 20  ლაბორატორია ამოქმედდა. ყველა ლაბორატორია მოწყობილია ISO სტანდარტების სრული დაცვით.

დეპარტამენტის ბაზაზე შეიქმნა ბიოლოგიური ექსპერტიზის  სამსახური, რომელიც  ამ დრომდე არ არსებობდა და გენეტიკური კვლევების ჩატარება შეუძლებელი იყო. ეს ფაქტორი ხშირ შემთხვევაში მნიშვნელოვნად აფერხებდა კომპლექსურ კვლევებს და სხვადასხვა სახის საგამოძიებო მოქმედებებს.

ავტორი: ექსპრესნიუსი,

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს