პარლამენტის დამუკიდებელი დეპუტატები: მარიამ ჯაში, ლევან კობერიძე, კობა ნარჩემაშვილი, ლევან გოგიჩაიშვილი, ზვიად კვაჭანტირაძე და გედევან ფოფხაძე ახალ ფრაქციას ქმნიან.

დეპუტატებმა პარლამენტს ფრაქციის „დამოუკიდებელი დეპუტატები“ შესაქმნელად უკვე განცხადებით მიმართეს.  

როგორც დეპუტატი ლევან კობერიძე Facebook-ის საკუთარ გვერდზე წერს, ფრაქცია არც ერთი პოლიტიკური პარტიის დღის წესრიგით არ იხელმძღვანელებს.

„ჩვენი მიზანია საზოგადოებისათვის ყველაზე მნიშვნელოვანი საკითხების ირგვლივ პოზიტიური დღის წესრიგის შექმნა.

ფრაქციის შექმნის ამოცანაა მომდევნო 10 თვის მანძილზე პარლამენტში დამოუკიდებელი დეპუტატებისათვის კონსტრუქციული თანამშრომლობის პლატფორმის შექმნა.

ფრაქციის წევრობა საშუალებას მისცემს თითოეულ დამოუკიდებელ დეპუტატს უფრო აქტიურად ჩაერთოს საპარლამენტო საქმიანობაში, აირჩიოს მისთვის საინტერესო კომიტეტისა თუ დროებითი კომისიის წევრობა.

ფრაქციის თითოეული წევრი შეინარჩუნებს დამოუკიდებლობას საკუთარი, ინდივიდუალური მოსაზრებების გამოხატვისთვის.

თუმცა, ფრაქციის სახელით განცხადებები გაკეთდება მხოლოდ ფრაქციის ფორმატში შეჯერებული პოზიციების მიხედვით.

ფრაქცია „დამოუკიდებელი დეპუტატები“ მხარს დაუჭერს ყველა პოზიტიურ საკანონმდებლო ინიციატივას, რომელიც მიმართული იქნება ჩვენი მოსახლეობის მდგომარეობის გაუმჯობესებისაკენ.

ფრაქცია ღიაა სხვა დამოუკიდებელ დეპუტატებთან სათანამშრომლოდ და გამართავს კონსულტაციებს ერთობლივი აქტივობების შესახებ.

იმედი გვაქვს, რომ უახლოეს პერიოდში სხვა დამოუკიდებელი დეპუტატებიც შექმნიან დამატებით ფრაქციებს, რომ კიდევ უფრო მრავალფეროვანი გახდეს საპარლამენტო საქმიანობა კონსტრუქციული და პოზიტიური დღის წესრიგის შესაქმნლად.

6 დამოუკიდებელი დეპუტატი ვერთიანდებით ფრაქციის პოლიტიკური პლატფორმის გარშემო, რომელიც მოიცავს შემდეგ პრიორიტეტულ მიმართულებებს:

- საქართველოს ტერიტორიული მთლიანობის მშვიდობიანი გზით აღდგენის მხარდაჭერა

- ოკუპირებული ტერიტორიებიდან დევნილი მოსახლეობის სოციალურ-ეკონომიკური მდგომარეობის გაუმჯობესება

- საქართველოს ევროკავშირსა და ნატოში ინტეგრაციის პროცესების ხელშეწყობა

- ადამიანის უფლებებისა და თავისუფლებების ეფექტური დაცვა და მათი რეალიზაციის ხელშეწყობა.

- ემიგრანტების საქართველოში დაბრუნებისა და რეინტეგრაციის მხარდაჭერა

- ახალგაზრდების ჯანმრთელობისა და განვითარების ხელშეწყობა

- შეზღუდული შესაძლებლობების მქონე პირთა დამოუკიდებელი ცხოვრების ხელშეწყობა

- სიღარიბის დაძლევისა და ეკონომიკური ზრდის ხელშეწყობა

- ჯანმრთელობისა და სოციალური დაცვის პოლიტიკისა და რეფორმების გაუმჯობესება

- განათლების სფეროს პოლიტიკისა და რეფორმების ხელშეწყობა“, - წერს ლევან კობერიძე.

ფრაქციის თავმჯდომარე დეპუტატი მარიამ ჯაში იქნება, მისი მოადგილე კი, ლევან კობერიძე.

ავტორი: ექსპრესნიუსი,

სოციალური ქსელები

რუსთაველის გამზირზე მოასფალტების სამუშაოები დაიწყო

კახა კალაძე - საკონსტიტუციო სასამართლოს წარვუდგინეთ არგუმენტები, რომ კონკრეტული პარტიები ქვეყნის წინააღმდეგ მოქმედებენ

თვითმფრინავებზე ბომბის მუქარამ კვლავ იმოქმედა ევროპაში ათობით რეისზე

ხელოვნური ინტელექტის აქციების არჩევნების შემდგომმა ვარდნამ გლობალური ბაზრები მოიცვა