„ნებისმიერ დემოკრატიულ სახელმწიფოში პარლამენტის, საკანონმდებლო ორგანოს ფუნქციონირების პარალიზება სახელმწიფოს მხრიდან რეაგირების გარეშე არ რჩება“, - ამის შესახებ უმრავლესობის წევრმა დავით მათიკაშვილმა განაცხადა.

მისი თქმით, კანონი ერთნაირად შესასრულებელია როგორც  მომიტინგეებისთვის, ასევე სამართალდამცავი ორგანოებისთვის.

„სამწუხაროა, რაც ხდება პარლამენტთან, მაგრამ პარლამენტმა თავის ფუნქციონირება უნდა გააგრძელოს. ჩვენს სახელმწიფოში არის თავისუფალი სიტყვის გამოხატვის სრული შესაძლებლობა, რაც არ უნდა გადაიზარდოს დესტრუქციაში და კანონის დარღვევაში. ეს არის ამოსავალი წერტილი. პარლამენტმა უნდა შეასრულოს თავისი ფუნქცია, ხოლო მოქალაქეებამ, საზოგადოებამ, ვისაც სურს პროტესტის გამოხატვა  ეს უნდა გამოხატონ ისე, რომ პარლამენტის ფუნქციონირებას ხელი არ შეუშალონ. ნებისმიერ დემოკრატიულ სახელმწიფოში პარლამენტის, საკანონმდებლო ორგანოს ფუნქციონირების პარალიზება სახელმწიფოს მხრიდან რეაგირების გარეშე არ რჩება. ეს არის ნებისმიერი დემოკრატიული სახელმწიფოს არსებობის ამოსავალი წერტილი. ასე რომ, აქ გასაკვირი არაფერი არ არის. მოვუწოდებ ყველას ვიმოქმედოთ კანონის ფარგლებში. კანონი უნდა იყოს ერთნაირად შესასრულებელი როგორც მომიტინგეებისთვის, ასევე სამართალდამცავებისთვის“, - განაცხადა დავით მათიკაშვილმა.

შეგახსენებთ, გამთენიისას პარლამენტის შესასვლელებთან განლაგებული აქციის მონაწილეები, რომლებიც აცხადებდნენ, რომ დეპუტატებს საკანონმდებლო ორგანოში არ შეუშვებდნენ, ტერიტორიიდან სპეცრაზმის გამოყენებით გაიყვანეს. აქციის დაშლის დროს სამართალდამცველებმა 28 პირი დააკავეს. ამასთან, ჯანდაცვის სამინისტროს ინფორმაციით, დაშავდა 4 ადამიანი, რომლებიც სამედიცინო დაწესებულებებში არიან გადაყვანილი.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს