პარლამენტის თავმჯდომარე არჩილ თალაკვაძე საპარლამენტო ოპოზიცია მიმართავს და მოუწოდებს, „ნორმალურ პოლიტიკურ პროცესს დაუბრუნდნენ“.

როგორც თალაკვაძემ ბიუროს სხდომაზე განაცხადა, ოპოზიცია შეუძლია საკუთარი პოზიცია და არგუმენტები ნებისმიერ საპარლამენტო ფორმატში წარმოადგინოს.

„მინდა მივმართო საპარლამენტო ოპოზიციას, დაუბრუნდნენ ნორმალურ პოლიტიკურ პროცესს, საპარლამენტო ფორმატებს. ის რაც აქვთ სათქმელი, არგუმენტები, რომელიც მათ სურთ, აჩვენონ საზოგადოებას, რომელიც მათ სურთ ნებისმიერ პოლიტიკურ ფორმატში, იქნება ეს პლენარული თუ საკომიტეტო განხილვები, წარმოადგინონ, დაუპირისპირპონ სხვა არგუმენტებს. ამისთვის პარლამენტში არსებობს მზადყოფნა, ამისთვის არის მთავარი პოლიტიკური ორგანო - საქართველოს პარლამენტი. მე კიდევ ერთხელ მინდა მივმართო მათ, დაუბრუნდნენ ნორმალურ პოლიტიკურ პროცესს პარლამენტში. ეს არის საზოგადოების უდიდესი ნაწილის მოლოდინი და ნორმალურ დემოკრატიულ სისტემებში ადგილი, სადაც შეიძლება მოხდეს ასეთი საკითხების განხილვა“, - განაცხადა თალაკვაძემ.

მანვე აღნიშნა, რომ ნებისმიერი მოქალაქის გამოხატვის თავისუფლება იქნება დაცული, თუმცა ასევე იმ მოქალაქეების ინტერესიც, რომლებსაც სურთ, ქვეყანამ ნორმალური ფუნქციონირება გააგრძელოს.

„ასევე მინდა ვუთხრა ჩვენს თანამოქალაქეებს, რომ პარლამენტი მუშაობს, გააგრძელებს თავის საქმიანობას იმისათვის, რათა ძალიან მნიშვნელოვანი გადაწყვეტილებები, რომელიც ეხება ქვეყნის მომავალს, პენსიონერებს, ექიმებს, ჯარისკაცებს, შშმ პირებს, სოციალურად დაუცველ მოქალაქეებს და ინფრასტრუქტურას რეგიონებსა, თუ დედაქალაქში, სახელმწიფო სტრუქტურების ნორმალურ ფუნქციონირებას, ეს ყველაფერი იქნება უზრუნველყოფილი პარლამენტის და მთავრობის მხრიდან. მისაღები გვაქვას 2020 წლის ბიუჯეტი, რომელიც ძალიან ბევრი თანამოქალაქის, მთელი ქვეყნის ინტერესებშია. ვისაც უნდა, რომ კანონის პარგლებში გამოხატოს პროტესტი, ეს უფლება იქნება დაცული, თუმცა მეორეს მხრივ, იმ მოქალაქეების ინტერესიც, ვინც ელოდება, რომ ქვეყანა აგრძელებს ნორმალურ ფუნქციონირებას, იქნება დაცული. ეს არის პოლიტიკა, პოლიტიკური პროცესი და პოლიტიკოსებმა უნდა ვიმუშაოთ ისე, რომ ამ პროცესით არ დაზარალდნენ უბრალო მოქალაქეები“, - განაცხადა არჩილ თალაკვაძემ.

შეგახსენებთ, გამთენიისას პარლამენტის შესასვლელებთან განლაგებული აქციის მონაწილეები, რომლებიც აცხადებდნენ, რომ დეპუტატებს საკანონმდებლო ორგანოში არ შეუშვებდნენ, ტერიტორიიდან სპეცრაზმის გამოყენებით გაიყვანეს. აქციის დაშლის დროს სამართალდამცველებმა 28 პირი დააკავეს. ამასთან, ჯანდაცვის სამინისტროს ინფორმაციით, დაშავდა 4 ადამიანი, რომლებიც სამედიცინო დაწესებულებებში არიან გადაყვანილი.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს