„როგორც ტარდებოდა სხდომები, ისე ჩატარდება ხვალინდელი სხდომაც, სახელმწიფო არ დაუშვებს შენობის ბლოკირებას“, - ასე უპასუხა საპარლამენტო უმრავლესობის ლიდერმა მამუკა მდინარაძემ ჟურნალისტების კითხვას პარლამენტის შესაძლო პიკეტირების თაობაზე.

მდინარაძის თქმით, თუ დემონსტრანტების ქმედება კანონის ფარგლებს არ გასცდება, ისინი ყველა მხრივ დაცულები იქნებიან.

„ყველა სხვა შემთხვევაში როგორც ტარდებოდა სხდომები, ისე ჩატარდება ხვალინდელი სხდომაც. სახელმწიფო არ დაუშვებს იმას, რომ შენობის ბლოკირება მოხდეს და საქართველოს პარლამენტს მუშაობაში შეეშალოს ხელი.

ძალიან სამწუხაროა, რომ თავად ატყუებენ საზოგადოებას, რადგან მათ მიერ შემოთავაზებული ყველა ვერსია სპეკულაციურია და ატყუებს იმ ადამიანებსაც კი, ვინც გულწრფელად აპროტესტებს იმას, რა ფაქტიც დადგა უმრავლესობის საბოლოო გადაწყვეტილების შედეგად. აქედან გამომდინარე, მათ უნდა გაიაზრონ რეალობა და უნდა გაიაზრონ ისიც, რომ თუ ადგილი ექნება კანონდარღვევას, სახელმწიფო იდგება თავის ადგილზე და აღკვეთს ამ კანონდარღვევას. მათ პროტესტის გამოხატვის უფლება აქვთ. დღეს საქართველოში გამოხატვის და სიტყვის თავისუფლება დაცულია ისე, როგორც არასდროს და თუ კანონის ფარგლებს არ გასცდება ამ უფლების რეალიზება, ისინი ყველა მხრივ დაცული იქნებიან“, - განაცხადა მამუკა მდინარაძემ.

ავტორი: ექსპრესნიუსი,

სოციალური ქსელები

რუსთაველის გამზირზე მოასფალტების სამუშაოები დაიწყო

კახა კალაძე - საკონსტიტუციო სასამართლოს წარვუდგინეთ არგუმენტები, რომ კონკრეტული პარტიები ქვეყნის წინააღმდეგ მოქმედებენ

თვითმფრინავებზე ბომბის მუქარამ კვლავ იმოქმედა ევროპაში ათობით რეისზე

ხელოვნური ინტელექტის აქციების არჩევნების შემდგომმა ვარდნამ გლობალური ბაზრები მოიცვა