„ოთხშაბათს, ევროპარლამენტში საქართველოში არსებული სიტუაციის შესახებ დებატები გაიმართება და ვნახოთ, როგორი „ტაშისკვრით“ შეხვდებიან ევროპელი მეგობრები, „ქართული ოცნების“ თავხედურ და კონფრონტაციულ გადაწყვეტილებას“, - ასე ეხმაურება „ევროპული საქართველოს“  წევრი გიორგი კანდელაკი „ქართული ოცნების“ გენერალურ მდივნ კახა კალაძეს, რომელმაც აღნიშნა, რომ „პროპორციული არჩევნების თემა დახურულია“.

კანდელაკის თქმით, დიდი ალბათობით, დეკემბერში ევროპარლამენტი საქართველოს შესახებ რეზოლუციას მიიღებს.

„ოთხშაბათს ევროპარლამენტში გაიმართება დებატები, რომლის მთავარი თემაც იქნება საქართველოში არსებული სიტუაცია. დებატებს ფორმალურად ჰქვია აღმოსავლეთ პარტნიორობის ქვეყნებში არსებული სიტუაცია, მაგრამ დიდი ნაწილი მიეძღვნება სწორედ საქართველოს ამბებს. ასევე, ხაზგასმით მინდა აღვნიშნო, რომ "ქართული ოცნების" გადაწყვეტილება არის  კონფრონტაციაში შესვლა არა მხოლოდ ჩვენს საზოგადოებასთან, არამედ საქართველოს მეგობრებთანაც, რადგან პროპორციული არჩევნების უარყოფის შემდეგ იყო მთელი წყება, უაღრესად კრიტიკული განცხადებებისა. შეგახსენებთ, იყო აშშ-სა და ევროკავშირის ერთობლივი განცხადება, იყო ძალიან მწვავე განცხადებები აშშ-ს კონგრესში, ევროპარლამენტში და იყო ძალიან ერთმნიშვნელოვანი მოთხოვნები, რომ შედგეს შეთანხმება, კომპრომისი და "გავრილოვის ღამის" შემდეგ დადებული პირობა შესრულდეს.  ვნახოთ ოთხშაბათს როგორი განცხადებები იქნება, როგორ "ტაშისკვრით" შეხვდებიან საქართველოს მეგობრები, ის ევროპელი პოლიტიკოსები, რომლებიც იბრძვიან საქართველოს უფლებებისთვის, სუვერენიტეტისთვის, ტერიტორიული მთლიანობისთვის, თუნდაც აგერ ვაჟა გაფრინდაშვილის გათავისუფლებისთვის, რას ფიქრობენ ისინი დღევანდელ ასეთ თავხედურ და კონფრონტაციულ გადაწყვეტილებაზე "ქართული ოცნებისა".  გარდა ამისა, ძალიან დიდი ალბათობით დეკემბერში, ევროპარლამენტი მიიღებს რეზოლუციას საქართველოს შესახებ“,- განაცხადა გიორგი კანდელაკმა. 

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს