საქართველოს მთავრობის ერთ-ერთი პრიორიტეტი  დეზინფორმაციის წინააღმდეგ  ეფექტური საშუალებებით ბრძოლაა, - ამის შესახებ საქართველოს მთავრობის   ადმინისტრაციის   ხელმძღვანელმა   ნათია მეზვრიშვილმა სტრატეგიული კომუნიკაციებისა და დეზინფორმაციასთან ბრძოლის საკითხებზე გამართული კონფერენციის ოფიციალურ საზეიმო მიღებაზე განაცხადა.

ნათია მეზვრიშვილმა ღონისძიებაში მონაწილე წევრებს  მადლობა გადაუხადა და ხაზი გაუსვა, რომ   ბრძოლა დეზინფორმაციის წინააღმდეგ შესაძლებელია მხოლოდ  მჭიდრო თანამშრომლობისა და ერთობლივი ძალისხმევის შედეგად.

„საქართველოს მთავრობის სახელით, მსურს მადლობა მოვახსენო ევროკავშირს და  ჩვენს პარტნიორებს გადაწყვეტილებისთვის, რომ ეს მნიშვნელოვანი ფორუმი ჩატარდეს საქართველოში.

საქართველოს მთავრობის ერთ-ერთი პრიორიტეტია  დეზინფორმაციის წინააღმდეგ ბრძოლა ეფექტური საშუალებების მეშვეობით, რომლებიც ჩვენს ქვეყანაში არის დამკვიდრებული: სხვადასხვა სამინისტროში, პრემიერ-მინისტრის აპარატში. როგორც უკვე ვახსენე, ჩვენ უკვე დავნერგეთ სტრატეგიული კომუნიკაციის ეფექტური მექანიზმი. გარდა ამისა, ჩვენ დავნერგეთ ეფექტური კოორდინირების მექანიზმი პრემიერ-მინისტრის აპარატში. იმედი მაქვს, რომ თქვენ გექნებათ უამრავი შესაძლებლობა, რათა გაეცნოთ ჩვენი ქვეყნის ისტორიას და დააგემოვნოთ ქართული ღვინო", - განაცხადა ნათია მეზვრიშვილმა.

სტუმრებს მისასალმებელი სიტყვით  ევროკავშირის ელჩმა საქართველოში კარლ ჰარცელმა მიმართა, რომელმაც  ხაზი გაუსვა  დეზინფორმაციასთან ბრძოლის მნიშვნელობას  და კონფერენციაში მონაწილე წევრებს მადლობა გადაუხადა.

ღონისძიებას დეზინფორმაციისა   და   სტრატეგიული   კომუნიკაციების   თემებზე   მომუშავე   ექსპერტები, დიპლომატები, სამოქალაქო და მედიასექტორის   წარმომადგენლები   ესწრებოდნენ.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს