„როდესაც ხდება პარლამენტის ბლოკირება, პარლამენტის წევრებზე თავდასხმა და ბოქლომების დადება ადმინისტრაციულ შენობებზე, სახელმწიფოს უფლება კი არ აქვს, მოვალეა, რომ იმოქმედოს“, - ასე გამოეხმაურა რეგიონული მართვის სამსახურის ხელმძღვანელი სოზარ სუბარი რუსთაველის გამზირზე განვითარებულ მოვლენებს.

როგორც მან „ქართული ოცნების“ ცენტრალურ ოფისში ჟურნალისტებს განუცხადა, ყველა აღიარებს, რომ ის, რაც პარლამენტის შენობასთან ხდებოდა, უკანონო იყო.

„საქართველოში დაცულია შეკრების და მანიფესტაციის თავისუფლება, ისევე როგორც დაცულია გამოხატვის ნებისმიერი ფორმა, მათ შორის ყველაზე რადიკალური მოწოდებებიც კი, როგორიც არის ხელისუფლების დამხობა, რევოლუცია, საყოველთაო დაუმორჩილებლობა და ასე შემდეგ. მაგრამ როდესაც ეს მოწოდებები, განცხადებები გადადის ისეთ ქმედებებში, რომ ხდება პარლამენტის ბლოკირება, პარლამენტის წევრებზე თავდასხმა, მათ შორის ფიზიკური, რაც დილას ვიხილეთ, როდესაც ხდება ბოქლომების დადება პარლამენტის თუ სხვა ადმინისტრაციულ შენობებზე და ბლოკირება სახელმწიფო შენობების, მაშინ ბუნებრივია, სახელმწიფოს უფლება კი არ აქვს, მოვალეა, რომ იმოქმედოს და ეს მოქმედება განხორციელდა. აღკვეთილია ის უკანონობა, რომელიც ხდებოდა და ყველა აღიარებდა, რომ ეს იყო უკანონო ქმედება. ისინიც კი, ვინც ცდილობდნენ რომ გაემართლებინათ მომიტინგეები, ვერ მალავდნენ, რომ ეს იყო უკანონობა თვით მომიტინგეების და მათი ლიდერების ჩათვლით“, - განაცხადა სოზარ სუბარმა.

შეგახსენებთ, პარლამენტის შენობასთან მიმდინარე აქცია სპეციალური დანიშნულების რაზმმა დაშალა. სამართალდამცველებთან დაპირისპირების დროს რამდენიმე ადამიანი დაშვადა. ამასთან, შსს-ს ინფორმაციით, პოლიციამ დღევანდელ აქციაზე 18 პირი დააკავა.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს