2019-11-08 15:40:13, 1306 ნახვა

---

პროკურორი: ხაზარაძე-ჯაფარიძის საქმეში უკანონო შემოსავლის ლეგალიზაციის გარდა, საუბარია თაღლითობის შემადგენლობაზე

პროკურორმა  გიორგი მიქავამ  ხაზარაძე-ჯაფარიძის ბრალდების საქმესთან დაკავშირებით განმარტა, რომ მტკიცებულებების მიხედვით, უკანონო შემოსავლის ლეგალიზაციის გარდა საუბარია წინმსწრებ დანაშაულზე, კერძოდ კი,  თაღლითობის შემადგენლობაზე.

„აქ საუბარია უკანონო შემოსავლის ლეგალიზაციაზე და გარდა ამისა წინმსწრებ დანაშაულზე, კერძოდ, თაღლითობის შემადგენლობაზე. რაც შეეხება ტრანზაქციების თემას, ბრალდების მხარემ არაერთხელ აღნიშნა, რომ აღნიშნულის კვალიფიკაცია უკანონო შემოსავლის ლეგალიზაციად მოხდა იმ მიზეზით, რომ ეს იყო დანაშაულებრივი გზით მიღებული ქონება.   ფინანსური ტრანზაქციებით, მათ შორის, ფიქტიური ხელშეკრულებების გაფორმებით, მათ მოახდინეს აღნიშნული დანაშაულებრივი გზით მოპოვებული თანხის ლეგალიზაცია ანუ მისი გათეთრება“, - განაცხადა გიორგი მიქავამ.

პროკურორმა აღნიშნა, რომ მომდევნო სასამართლო სხდომაზე, რომელიც 2 დეკემბერს ჩაინიშნა,  მხარეები შესავალი სიტყვებით წარდგებიან.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი