2019-10-27 16:43:32, 2068 ნახვა
საზოგადოება
ფილმს And Then We Danced ქართველი მაყურებელი კინოთეატრებში 8, 9 და 10 ნოემბერს იხილავს
Tbilisi Pride-ის ინფორმაციით, ქართულ-შვედური ფილმი And Then We Danced საქართველოს კინოთეატრებში ნოემბერში რამდენიმე დღით გამოვა. როგორც ორგანიზაცია აცხადებს, უსაფრთხოებასთან დაკავშირებული მიზეზების გამო მსახიობები საჯარო ჩვენებას არ დაესწრებიან.
"მაყურებელი ფილმს სამი დღე 8, 9 და 10 ნოემბერს იხილავს. ფილმის სეანსების შევსების შემთხვევაში შესაძლებელია კიდევ დაემატოს რამდენიმე.
შეგახსენებთ, რომ ოსკარის კამპანიის დასაწყებად შემოქმედებითი ჯგუფი ლოს ანჯელესში გაემგზავრება." -წერია ფილმის ოფიცილურ "ფესიბუქ" გვერდზე.
And then we danced, რომელმაც არაერთი საერთაშორისო ჯილდო მოიპოვა ამერიკის კინოაკადემიის დაჯილდოვების 92-ე ცერემონიალზე შვედეთის სახელით წარსდგება.
ავტორი: ექსპრესნიუსი,
epn.ge (@expressnews.ge)
