დაზარალებულ თამთა თოდაძის, ადვოკატის ბაია პატარაის განცხადებით, პროკურატურამ სახალხო დამცველის აპარატისთვის მასალების გადაცემაზე უარი იმ მიზეზით თქვა, რომ მას არ სურს გასაჯაროვდეს დაგვიანებული და არასწორად ჩატარებული მოქმედებები.

ადვოკატის თქმით, ბრალდებული „ქართული ოცნების“ დეპუტატი ილია ჯიშკარიანი უწყებაში პრივილეგიებით სარგებლობს.

„მან მეორე დღესვე მიმართა ომბუდსმენს თხოვნით, რომ მონიტორინგი ეწარმოებინა ამ საქმისთვის და ჩართულიყო ამ საქმეში. ომბუდსმენის ოფისმა მყისიერად მოახდინა რეაგირება და გააგზავნა შესაბამისი წერილები შესაბამის უწყებებში და მოითხოვა, რომ საქმის მასალებზე წვდომა ჰქონოდა. თუმცა ორი დღის წინ პროკურატურისგან მიიღო უარი. ეს საქმე ჩვეულებრივი მსვლელობით არ მიმდინარეობს. გარკვეული პრივილეგიებით სარგებლობს ბატონი ილია ჯიშკარიანი“, - განაცხადა ბაია პატარაიამ.

ცნობისთვის, რომ სექსუალურ და ფიზიკურ ძალადობაში დადანაშაულებული „ქართული ოცნების“ დეპუტატის, ილია ჯიშკარიაინის, საქმის მასალები პროკურატურამ სახალხო დამცველის აპარატს არ გადასცა.

შეგახსენებთ, ახალგაზრდა ქალი, თამთა თოდაძე "ქართული ოცნების" დეპუტატს, ისნის მაჟორიტარს ილია ჯიშკარიანს გაუპატიურების მცდელობასა და ფიზიკურ ძალადობაში ადანაშაულებს. შინაგან საქმეთა სამინისტრომ გამოძიება სამი მუხლით დაიწყო. პროკურატურამ თოდაძეს დაზარალებულის სტატუსი მიანიჭა. ილია ჯიშკარიანს აღკვეთის ღონისძიების სახით 10 000-ლარიანი გირაო შეეფარდა. სასამართლო პროცესი კლინიკა "ნიუ ჰოსპიტალსში" გაიმართა. 

მოამზადა ლანა მრავლაძემ

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს