ანტისაოკუპაციო მოძრაობის "ძალა ერთობაშია" ლიდერი დავით ქაცარავა აცხადებს, რომ საოკუპაციო ძალების ე.წ. მესაზღვრეები დოლომიტის საბადოებისკენ მოიწევენ.

ქაცარავას მტკიცებით, ისინი საოკუპაციო ხაზთან რუსი მესაზღვრეების გამოჩენას ნებისმიერ დროს ელოდებიან. ანტისაოკუპაციო მოძრაობის ლიდერი ხელისუფლებას უმოქმედობაში ადანაშაულებს. 

„ხელისუფლებამ რეალურად ხელი შეუწყო რუსეთს საოკუპაციო რეჟიმის წარმატებულად შესრულებას. ჩვენ ნებისმიერ მომენტში ველოდებით იმას, რომ ოკუპანტები კვლავ გამოჩნდებიან და გააგრძელებენ შემოღობვის პროცესს, ვინაიდან ატოცი-ქვემო ოქონას პერიმეტრი არის 5-კილომეტრიანი, შესაძლებელია ცოტა მეტიც, ამ მანძილის მხოლოდ 330 მეტრია შემოღობილი. არ გაღიზიანების პოლიტიკის გატარება რუსეთის მიმართ არის ძალიან დიდი შეცდომა, რადგან ჩვენ ამ წლების განმავლობაში მივიღეთ 55-კილომეტრიანი გავლებული მავთულხლართი, იმ 98 კილომეტრიდან, რომელიც შეადგენს სამაჩაბლო-ცხინვალის რეგიონის ადმინისტრაციულ საზღვარს“, - განაცხადა დავით ქაცარავამ "ტვ პირველის" ეთერში. 

ავტორი: ექსპრესნიუსი,

სოციალური ქსელები

„ჩვენ გვჭირდება შემაკავებელი ორდერი“- ტრამპი მელონის კიდევ ერთხელ დასცინის

ლუკაშენკო: ბელარუსს ბრძოლა არ სურს, მაგრამ მტრის წინაშე თავს არ დახრის

სკოლებში ქიმიის სწავლება მე-7 კლასიდან დაიწყება, გაიყოფა ქართული ენისა და ლიტერატურის საგანი

ერდოღანი და ტრამპი უკრაინასთან დაკავშირებით თურქეთის ინიციატივებს განიხილავენ