„ჩვენ გავამკაცრეთ კანონმდებლობა და წესები, მაგრამ თუ მოსახლეობა არ გვეთანამშრომლა, ასეთი შემთხვევების პრევენცია რთული იქნება“, - ამის შესახებ ეკონომიკისა და მდგრადი განვითარების მინისტრმა ნათია თურნავამ, გურამიშვილზე მომხდარ აფეთქებასთან დაკავშირებით განაცხადა.

მინისტრმა მოსახლეობას მოუწოდა, მაქსიმალური სიფრთხილე გამოიჩინონ და გაზგამანაწილებელ კომპანიებს მოწყობილობების შემოწმების უფლება მისცენ.

„მთლიანობაში მინდა ვთქვა, რომ ჩვენ გავამკაცრეთ კანონმდებლობა და წესები, გაზგამანაწილებელი კომპანიები აკეთებენ გეგმიურ შემოვლას და ამოწმებენ ქალაქებში და სოფლად მოსახლეობას, ყველგან სადაც არის გაზის მოწყობილობები. ხდება ჩაჭრა, ისეთი გაზის მოწყობილობების, რომლებიც არის წესების დარღვევით დამონტაჟებული. თუ მოსახლეობა არ გვეთანამშრომლა და გაგებით არ მოეკიდა, რთული იქნება ასეთი შემთხვევების პრევენცია.

მინდა მოვუწოდო ჩვენს მოქალაქეებს, დადგა უკვე გათბობის სეზონი და მაქსიმალური სიფრთხილე გამოვიჩინოთ. აუცილებლად მივცეთ უფლება გაზგამანაწილებელ კომპანიებს შემოვიდნენ, შეამოწმონ ეს მოწყობილობები, თუ აუცილებელი გახდა გამორთვა და თუ მიიღეს რეკომენდაცია, რომ შეცვალონ, არ მიააერთონ თვითნებურად, იმიტომ რომ აქ საუბარი არის თითოეულის ჯანმრთელობაზე, სიცოცხლეზე და მათ არც საკუთარ თავს უნდა შეუქმნან საქმე და არც მეზობლებს.

ჩვენ გამკაცრების თვალსაზრისით სავალდებულო წესით შემოგვაქვს დეტექტორების დამონტაჟება და ეს შეეხება, როგორც ახალ მშენებლობებს, ასევე არსებულ ძველ შენობებსაც. ყველგან უნდა არსებობდეს გაზის დეტექტორი, რომელიც შეგვატყობინებს, რომ ჰაერში არის გაზის ზედმეტი რაოდენობა და დაგვიცავს.“-განაცხადა ნათია თურნავამ.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს