"სანამ მართვის სადავეები ივანიშვილის ხელშია, არ ველოდოთ, რომ ის საკუთარი თავის წინააღმდეგ რამეს გამოიძიებს", - ამის შესახებ „ერთიანი ნაციონალური მოძრაობის“ ერთ-ერთმა ლიდერმა ნიკა მელიამ განაცხადა. 

მელია ამ განცხადებით ბიძინა ივანიშვილის მიერ ფულის გათეთრების სავარაუდო სქემას გამოეხმაურა, რომელზეც ინფორმაცია ტელეკომპანია „მთავარმა არხმა“ გაავრცელა. 

ოპოზიციონერი დეპუტატის თქმით, შესაძლო ფაქტის გამოძიება აუცილებლად უნდა მოხდეს, მაგრამ არა ამ ხელისუფლების პირობებში, არამედ მას შემდეგ, რაც დემოკრატიული არჩევნები ჩატარდება. 

„ბიძინა ივანიშვილის ხელით, რუსეთმა რუსული ოცნების ასრულება მოახერხა. სწორედ ივანიშვილმა აუსრულა ის ოცნება, რომელიც გულისხმობს უარს "ანაკლიის კონსორციუმის" აშენებაზე. საბოლოოდ გაირკვა, რომ ივანიშვილი არა მხოლოდ უზურპატორია და მდიდრდებოდა ხალხის ხარჯზე უკანასკნელ წლებში, არამედ იყო მუდმივად დაკავებული შავი ფულის რეცხვით, თავის პარტნიორებთან ერთად. მათ შორის კალაძესთან. არ ველოდოთ, რომ ივანიშვილი რაიმეს საკუთარი თავის წინააღმდეგ გამოიძიებს. სანამ მართვის სადავეები მის ხელშია, არაფრის გამოძიება არ მოხდება. თუმცა, როგორც კი ხელისუფლება შეიცვლება, აუცილებლად საჯაროდ, საგამოძიებო კომისიის ფარგლებში, ამ საკითხის გარკვევა პირდაპირ ეთერში უნდა მოხდეს“, - განაცხადა ნიკა მელიამ.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს