საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის“ ბენეფიციარებისთვის სოციალური უნარების ტრენინგი ჩატარდა.

პროექტი „ყოფილ პატიმართა რეაბილიტაციისა და რესოციალიზაციის პტოგრამის“ ფარგლებში მიმდინარეობს. მისი მიზანია პროგრამის მონაწილეებისთვის სოციალური უნარების განვითარებისთვის საჭირო ინფორმაციის მიწოდება და მათი გამოყენების შესაძლებლობების გაზრდა.

ტრენინგი მოიცავს რამდენიმე მნიშვნელოვან თემას. მათ შორის არის ეფექტიანი კომუნიკაცია, სახელმწიფო სერვისების გაცნობა, დასაქმებისთვის საჭირო უნარების ამაღლება, დროის მენეჯმენტი და სხვა. ტრენინგებს დანაშაულის პრევენციის ცენტრის სოციალური მუშაკები უძღვებიან.

სოციალური უნარების განვითარების ორდღიანი ტრენინგების ციკლი ყოველთვიურად იმართება, რომლებიც თბილისის გარდა უკვე ჩატარდა ქუთაისსა და გორშიც. თითოეულ შეხვედრას 15 ყოფილი პატიმარი დაესწრო. მსგავსი შინაარსის ტრენინგები ზუგდიდსა და ბათუმშიც იგეგმება. როგორც ცნობილია, „ყოფილ პატიმართა რეაბილიტაციისა და რესოციალიზაციის პროგრამას“ სსიპ „დანაშაულის პრევენციის ცენტრი“ ახორციელებს. მისი მიზანია სასჯელაღსრულების დაწესებულებებიდან გათავისუფლებული პირების რეაბილიტაციის ხელშეწყობა, მათი დაბრუნება საზოგადოების სრულუფლებიან წევრებად; ყოფილ პატიმრებზე სახელმწიფო მზრუნველობა კი საზოგადოებას განმეორებითი დანაშაულისაგან დაიცავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა