"გავრცელებული ინფორმაცია, თითქოს 27 000 ტაქსის მძღოლი ჩვენ დავტოვეთ სამსახურის გარეშე, სიმართლეს არ შეესაბამება", - ამის შესახებ თბილისის მერმა კახა კალაძემ განაცხადა. 

როგორც კალაძემ აღნიშნა, ასეთი ტიპის ინფორმაციას კონკრეტული პოლიტიკური პარტიები ავრცელებენ. 

"ციფრები მინდა მივაწოდო საზოგადოებას, რადგან კონკრეტული პოლიტიკური პარტიების მხრიდან მცდარი ინფორმაციის გავრცელება ხდება. რეფორმის ფარგლებში კანონით გათვალისწინებულია ვალდებულება, რომ კერძო ავტომობილებმა ტექდათვალიერება გაიარონ. ტაქსის მძღოლი, რომელიც მოდის გასაწევრიანებლად A თუ B კატეგორიაში, რა თქმა უნდა, მას უნდა ჰქონდეს ავტომობილზე ტექდათვალიერება გავლილი, სამწუხაროდ, დაახლოებით 30%-მა, ვისაც ლიცენზია ჰქონდა, მიღებული ტექდათვალიერება ვერ გაიარა. თუმცა მათ აქვთ შესაძლებლობა ავტომობილები მწყობრში მოიყვანონ და შეუძლიათ აირჩიონ შესაბამისი კატეგორია.  დაახლოებით 6000 -ზე მეტი მძღოლი არის გაწევრიანებული და აქვს A კატეგორიის ლიცენზია. 9 000 -მდე კი B კატეგორიაშია გაწევრიანებული. მიზანმიმართულად ხდება ინფორმაციის გავრცელება თითქოს 27 000 ტაქსის მძღოლი ჩვენ დავტოვეთ სამსახურის გარეშე, ეს ინფორმაცია არის სიცრუე. არ დაუჯეროთ ამ ცრუ ინფორმაციის გამავრცელებლებს", - განაცხადა კახა კალაძემ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა