ოხანაშვილი - ვანო ზარდიაშვილის მიერ მანდატის დატოვების საკითხი გუნდში არ განხილულა

2019-10-07 11:54:22, 1261 ნახვა

პოლიტიკა

იურიდიულ საკითხთა კომიტეტის თავმჯდომარის ანრი ოხანაშვილის მტკიცებით, დეპუტატ ვანო ზარდიაშვილის მიერ მანდატის შესაძლო დატოვების საკითხი გუნდში არ განხილულა.

"მსგავსი ინფორმაცია პირველად გავიგე. არანაირი მსგავსი რამ არც განიხილება და არც განხილულა გუნდში", - განაცხადა ოხანაშვილმა.

რაც შეეხება იმას, თუ რატომ არ ესწრება ზარდიაშვილი სესიებსა და კომიტეტის სხდომებს, ოხანაშვილმა განმარტა, რომ მას საპატიო მიზეზი აქვს.

"ჩვენ შეგვატყობინა ბატონმა ვანომ, რომ საპატიო მიზეზით ვერ ესწრება და რა არის ეს მიზეზი, ამის წარდგენის ვალდებულება აქვს შესაბამის დეპარტამენტში", - აღნიშნა ანრი ოხანაშვილი.

შეგახსენებთ, რომ "TV პირველის" ინფორმაციით, უახლოეს დღეებში "ქართული ოცნების" წევრი, ვანო ზარდიაშვილი პარლამენტს დატოვებს.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან