„გირჩმა“ სუს-ი მოსმენისთვის, სერტიფიკატით დააჯილდოვა [ვიდეო]

2019-10-05 11:12:54, 3210 ნახვა

საზოგადოება

პოლიტიკური პარტია "გირჩის" დამფუძნებელმა ზურაბ ჯაფარიძემ სახელმწიფო უსაფრთხოების სამსახურს ე.წ. სერტიფიკატი გადასცა.

როგორც უწყების შენობასთან მისულმა ჯაფარიძემ ჟურნალისტებს განუცხადა, მას შემდეგ რაც პარტიის წევრებს შინაგან საქმეთა სამინისტროში განუცხადეს, რომ მათ 1 წლის განმავლობაში სუს-ი უწმენდა, "გირჩმა" გადაწყვიტა დაჯილდოების ცერემონია გაემართა.

კერძოდ, ჯაფარიძის თქმით, მათ დაამზადეს სპეციალური სერტიფიკატი, რომელსაც ორი ორგანიზაცია - ბიბლიური ტავისუფლება და "გირჩი" აწერენ ხელს.

"როგორც იცით, რამდენიმე დღის წინ "გირჩის" ნახევარი შსს-ში იყო დაბარებული. იქ გაგვაგებინეს ის რაც პრინციპსი ფორმალურრად ისედაც ვიცოდით, რომ თურმე მთელი 1 წლის განმავლობაში გვისმენდნენ. შეუძლებელია ამდენი ხნის განმავლობაში "გირჩს" უსმინო და რამე აზრი არ გამოიტანო. ამიტომ, გადავწყვიტეთ, რომ ეს რაღაცნაირად აგვეღნიშნა. ეს არის ყველაზე დაბალი რანგის სერტიფიკატი, რომელიც გულისხმობს რომ მათ მოისმინეს "გირჩის" საგანმანათლებლო კურსი, მაშინ როდესაც ჩვენ გვისმენდნენ. დაცვამ სამწუხაროდ უარი განაცადა სერტიფიკატის დატოვებაზე", - განაცხადა ზურაბ ჯაფარიძემ.